2 класс укучылары әдәби китаплар укырга яраталар. Алар авыл китапханәсенә дә, мәктәп китапханәсенә дә кереп, үзләренә ошаган китаплар алып укыйлар. Бүген дә Галия апалары янында булдылар. Апалары сөйләгән яңалыкларны бирелеп тыңладылар, китаплар алдылар. Класс җитәкчеләре Ф.Х. Аскарова да укучыларның китап укулары белән кызыксынып тора.

   Физкульминуткалар.

     Башлангыч класс укучылары дәресләрдә ял итүне бик яраталар. Һәр дәрестә физкульминуткаларны музыкага ясыйлар. Бу балалар өчен кызыклы. Ф.Х. Аскарова, Ф.Ф. Ихсанова, Г.Х.Мусина интерактив тактадан файдаланып эшлиләр.

  День поэзии.

        В нашей школе отметили День поэзии. Учащиеся 1-5 классов выразительно читали стихотворения русских и татарских поэтов. А ученики 8 класса посмотрели видеофильм о судьбе Марины Цветаевой. 

Мәктәбебез укучылары төрле конкурсларда катнашуларын дәвам    итәләр. 20 март көнне “Кенгуру” математик конкурста 2-7 класслардан        13 укучы катнашты. Ә 1-4 класс укучылары “Львенок” Бөтенроссия конкурсы биремнәрен үтәделәр. Алар 7 укучы. Әле апрель аенда “Зирәк тиен” һәм “ЧИП” конкурслары булачак.

     Гагарин исемендәге Лениногорск балалар китапханәсендә авыл балалары өчен үткәрелгән “Супер китап укучы” конкурсында мәктәбебезнең 6 класс укучысы Валиева Ләйсән дипломга ия булды. Авыл китапханәчесе – Хакимова Миләүшә.  

     1 класс укучылары өчен зур бәйрәм булды. Алар “Әлифба”ны тәмамладылар. Барлык хәрефләрне өйрәнеп, укырга, язарга керештеләр. Беренче укытучылары Дәүләтшина Т.М. ярдәме белән укучылар   “Әлифба бәйрәме” уздырдылар. Сәхнәдә үзләрен иркен тоттылар. Мәктәп директоры С.Ә. Гатина,  2-4 класс укучылары һәм укытучылары, әти-әниләр балаларны бәйрәм белән котладылар. 

1 - 4 класс укучылары авыл китапханәсенә керделәр. Китапханәче Миләүшә Хакимова    “Әкияттә - кунакта” дигән чара оештырды. Ул төрле әкиятләр буенча викторина уздырды. Укучылар нинди әкиятләр белүләрен әйттеләр. Миләүшә апалары әкиятләр укыды. Очрашу кызыклы булды.  

Безнеңң мәктәбебезнең укучылары кошларны  карауларын дәвам итәләр. Быел кар күп,аларга җим табуы авыр. Ә укучылар булганда алар һәрвакыт тук

   Бәйрәм белән котладылар

     Укучылар укытучыларны һәм әниләрне, әбиләрне бәйрәм белән котладылар. 2 – 7 класс укучылары җырлар җырладылар, шигырьләр сөйләделәр, төрле биюләр биеделәр. Концертны 5 класс җитәкчесе Исхакова А.А. һәм педагог-оештыручы Камалтдинова Л.Х. әзерләде. Бәйрәм күңелле үтте.

5  март

   Гомуми  ата-аналар җыелышы

      5 март көнне    гомуми  ата-аналар җыелышы булды. Җыелышта ата-ана катнашты.  Моталлапова С.Ә. “Балаларыбызны саклыйк” дигән темага чыгыш ясады. Ул чыгышында балаларның үз-үзләренә кул салу очраклары турында сөйләде, аларга карата игътибарны көчәйтергә кирәкләген кисәтте.

Мәктәп директоры Гатина С.Ә. укучыларның укуга карашлары, тәртипләре турында үтемле итеп сөйләде. Уку-укыту эшләре буенча директор урынбасары Ялакова Ф.Г. 9 класс укучыларының ОГЭ бирүләренә әзерлеккә тукталды.