6 мартта укучылар Спартакиадасы кысаларында баскетбол уенының куст ярышларын оештырдык. Кызларыбыз һәм егетләребез мәктәбебез данын яклап уңышлы чыгыш ясадылар.

3 март көнне башкалабыз Казанның Бөек Ватан сугышы музее директоры Черепанов М.В. Һәм бик күп хәбәрсез югалган ватандашларыбызны табуда зур хезмәт куйган “Кар десанты” хәрәкәте әгъзаләре белән очрашу булды. Алар үзләренең хезмәт нәтиҗәсе белән таныштырдылар, бик күпләрдә сугышта хәбәрсез югалган бабайларының табылачагына өмет уяттылар. Мәктәбебезнең “Хәтер” группасы эшчәнлегенә зур бәя бирделәр.

8-11 класс укучылары өчен “ 23+8” исеме астында бәйрәм оештырылды. Кызлар һәм егетләр командалары арасында барган бәйрәм конкурсы, ир-егетләрнең илебез чикләрен саклаудагы, семьяны тәэмин итүдәге, ә хатын –кызларның семья учагын сүндерми саклау, балалар тәрбияләүдәге бурычларын аңларга ярдәм итте.

Физкультура укытучысы Мухаметшин Р.Р. 8-9 класс укучылары Хусаенова Г.А., Гильмутдинов Р.Н., Гатауллин А.А., Гатауллина Ф.Л.белән чаңгы буенча эстафета ярышында мәктәбебезнең данын яклап чыгыш ясадылар.

Туган тел көне мәктәбебездә зур хөрмәт белән билгеләп үтелде.

8 класс укучылары “Хәтер” группасы эшчәнлеге турында мәктәп музее экспонатлары аша ныклап таныштылар һәм “Кар десанты” хәрәкәтендә катнашу өчен теоретик белемнәр  үзләштерделәр.

Патриотик тәрбия айлыгы кысаларында, 22 февраль көнне,  Афганистанда интернационал бурычын үтәгән якташларыбыз белән очрашу уздырылды. 

Мәктәп директоры Хазиев Г.Х. җитәкчелегендә уку алдынгылары башкалабызның истәлекле урыннарында  булып, Бөек Ватан сугышы музейы җитәкчесе Черепанов М.В. белән очрашып кайттылар.