Безнең балалар бакчасының  64 сутый җир биләмәсе бар. Бу территорияне карап, матур гөлбакча ясар өчен бик күп тырышлык, вакыт кирәк. Шуңа да карамастан безнең балалар бакчасының территориясе  искиткеч гүзәл. Чәчәкләргә күмелгән гөлбакчасы гына ни тора.   Эшчеләребез хезмәте белән бакчабызда яшелчәләр үстердек. Бу бик зур хезмәт, чөнки балаларны тәрбияләп тә, шуның хәтле яшелчә үстерү дә бик җиңелләрдән түгел. Моны бары тик коллектив кына белә. Ә нәтиҗәсе бик күңелле әлбәттә.  Безнең балаларыбыз кыш буе витаминнар ашап, сау-сәләмәт булып үсәрләр. Кем эшләми, шул ашамый диелә мәкальдә.  Безнең коллективның тырышлыгы, татулыгы һәм бердәмлеге нәтиҗәсе бу мул уңыш. Бик зур рәхмәт коллективка! Эшегездә зур уңышлар, сәләмәтлек СЕЗГӘ!   БЕЗ БУЛДЫРАБЫЗ!!!

Буген кечкенәләр төркемендә тәрбияләнүче балаларыбыз балалар бакчасының яшелчә бакчасында булдылар. Аларны тәрбияче Рәфидә Рәфәгатовна яшелчә бакчасында  үскән яшелчәләр белән таныштырды. Яшелчәләрнең файдасы турында сөйләде.

Сәламәтлек – кешенең физик һәм рухи сыйфатларының җыелмасы ул. Сәламәтлек – озын гомерле булуның нигезе, кешенең иҗади планнарын тормышка ашыру, җәмгыять файдасына югары хезмәт җитештерүчәнлеге белән эшләү, бердәм, тату гаилә кору, балалар тудырып, аларны тәрбияләп үстерү өчен кирәкле шарт булып тора.

Сәламәт  булу –баланың  үзе,якыннары,гомумән,җәмгыять алдындагы бурычы,вазифасы. Ул шушы хакыйкатьне үзләштереп ,аңлап яшәргә тиеш.

Бакчабызның иң мөһим бурычларыннан берсе — балаларның сәламәтлеген саклау һәм ныгыту, үз сәламәтлегең хакында даими кайгырту теләге уяту, һәр балага әти-әни белән берлектә моңа өйрәтү, күнектерү.

Шул максаттан безнең балаларыбыз тәрбиячеләр белән авылыбызның сәләмәтлек үзәгенә экскурсиягә бардылар. Алар белән  шәфкать туташы әңгәмә үткәреп, үзенең киңәшләрен бирде.