9 декабрь – “Коррупцияга каршы көрәш көне” уңаеннан кичә мәктәптә план буенча чаралар үткәрелде.

Түбәндәге темаларга сыйныф сәгатьләре үткәрелде:

1-2 нче сыйныфларда “Урлатма. Урлама”;

3-4 нче сыйныфларда “Урлаган бер гаепле, урлаткан мең гаепле” дигән темаларга үткән сыйныф сәгатьләрендә сыйныф җитәкчеләре укучыларга коррупция  төшенчәсенең нигезләрен аңлаттылар.

5-6 сыйныфларда  «Дисциплина ни өчен кирәк?;

7-9 сыйныфларда “Нәрсә ул коррупция.  Коррупция проблемасын ничек чишеп була?” дигән темага тәрбия сәгатьләре үткәрелде.

Китапханәче Хәйретдинова Л.Р. китаплардан  һәм гәзит-журналлардан әлеге теманы яктырткан мәкаләләрне үз эченә алган тематик күргәзмә оештырган иде.

Алда һәр укучының иң яраткан һәм  көтеп алган бәйрәме- яңа ел бәйрәме! Мәктәптә инде әлеге бәйрәм рухы сизелә башлады: сыйныфларда укучылар кар бөртекләре кисәләр, ә музыка укытучысы Хисамова Р.М. яңа ел җырлары һәм чыршы тирәли биюләр өйрәтә. Әлегә чыршы ролен гөлләр башкара. 

30 ноябрь- шимбә көнне, мәктәбебездә "Әниләр көне"н бәйрәм иттек. Әлеге чарада һәр сыйныф әниләр өчен концерт номерлары әзерләгән иде. Җыр, бию, спектакльләрдән өзекләрне үз эченә алган әлеге бәйрәм кичәсе барлык әниләрнең дә күңеленә хуш килде. 

Бүген, 27 ноябрьдә Сочида узачак паролимпия уеннары башланырга нәкъ 100  көн кала,бездә  "Сочи-2014" дигән мәктәпкүләм проектлар конкурсы узды. Әлеге конкурс өчен 1-4 сыйныф укучылары плакатлар әзерләп аларны якларга тиешләр иде, ә 5-9 нчы сыйныф укучылары исә  презентацияләр ясарга. Конкурсның шарты-  барлык материалларның татар телендә булуы. Шуны әйтергә кирәк,  барлык  сыйныфлар да әлеге конкурска ныклап әзерләнгәннәр иде. Бер-берсен кабатлаган проектлар юк дәрәҗәсендә, ә темалары төрледән- төрле иде. Жюри  урыннар билгеләп, линейкада укучыларны бүләкләячәкләрен әйтте. Димәк, җиңүчеләрне көтәбез. Ә бездә, яңа конкурс -  "Сочи -2014 не каршы алып" рәсемнәр конкурсы игълан ителде.

Бүген –Салым органнарында эшләүчеләр көне уңаеннан 5-9 сыйныф укучыларына бердәм сценарий буенча,  сыйныф җитәкчеләре “Салым грамоталыгы” дәресләре үткәрде. Дәрестә сыйныф җитәкчеләре укучыларга  салым системасының тарихы, элек нинди салымнар булган, хәзер нинди салымнар бар икәнлеген аңлаттылар. Салым түләүчегә документларны ничек дөрес тутырырга кирәклеген, салымнарның бер өлешен кайтарып булуын презентациягә нигезләнеп аңлаттылар. Тематик видеороликлар (“Налоги идут на нужные дела”) карадылар.  Төрле кызыклы мәсьәләләр чиштеләр, ситуацияләрне карадылар.

15 октября в нашей школе прошел районный семинар учителей английского языка. В семинаре участвовало 11 учителей иностранного языка из школ района. Главной проблемой обсуждения была "Эффективная организация подготовки учащихся к ГИА по английскому языку". Учителя проанализировали итоги экзамена за 2013 год; посмотрели открытый урок в 7 классе, подготовленный учителем английского языка Шагиевой А.Г.; участвовали во внеклассном мероприятии, которое провели учащиеся нашей школы. И в конце заседания прослушали песню 'We are the champions' в исполнении Хузиной Гузель. Гости семинара были очень радостными ушли из школы с улыбками на лицах.

Каникуллардан соң, мәктәптә 1 нче чирек нәтиҗәләре буенча педагогик совет утырышы узды. Әлеге пед.советтта "Формирование и развитие психологической компетентности участников образовательного процесса" дигән темага доклад белән башлангыч сыйныф укытучысы Мөхетдинова Алсу Назым кызы чыгыш ясады. Утырышка кадәр үк ул, барлык укытучыларга "Ценности", "Зачем я работаю педагогом" дигән  анкеталар уздырган иде, шул анкеталарга  нәтиҗәләр ясады, "Время" дигән күнегү үткәрде, "Оценка профессиональной компетентности учителя"  дигән темага тест уздырды. Пед.совет утырышы бик күңелле узды, вакытның узганы сизелмәде дә.

Бүген безгә район үзәк хастаханәсе табиблары килеп, укучыларга медицина тикшерүе уздырдылар. Окулист, хирург, педиатрдан торган табиблар командасы укучыларыбызны җентекләп тикшерделәр, укучыларның сәламәтлек һәм физкультура төркемнәрен билгеләделәр, үзләренең киңәшләрен бирделәр.

31 нче октябрь көнне укучыларыбыз- Адиятуллина Эльвина һәм Гаттарова Адилә (җитәкчеләре Габидуллина Л.Ә.), композитор С.Садыкованың 107-еллыгына багышланган төбәкара җыр конкурсында катнашып кайттылар.  Гаттарова Адилә катнашучы дипломы белән, ә Эльвинабыз үз яшендәге кечкенә башкаручылар арасында- 3 урын алып кайтты. Афәрин!!!

"Салават купере" вокаль ансамбле һәм Гаттарова Адилә (җитәкчеләре Габидуллина Л.Ә.) 1, 2 нче ноябрь көннәрендә Казан шәһәрендә "Ватан"- 6 нчы Республикакүләм халык иҗаты фестивалендә уңышлы чыгыш ясап кайттылар. Миңгол Галиев җитәкчелегендәге мәртәбәле жюри укучыларыбыз иҗатына уңай бәя бирделәр. Без әлеге конкурсның дипломатлары! Укучыларыбызга һәм аларның җитәкчеләренә  рәхмәт әйтәбез, киләчәктә зур уңышлар телибез!