Бүген Кайбыч районының Мәктәптән тыш эшләр үзәгендә «Иң яхшы әйдаман» конкурсының муниципаль этабы узды. Әлеге конкурста  төрле педагогик отрядлардан 11 әйдаман катнашты. Программага 3 конкурс кергән иде: - Визитка-презентация; - Балалар һәм мәктәп хәрәкәтләре темасы буенча сораулар; - Педагогик ситуацияләр конкурсы; - Уен, бию, зал белән флешмоб. Әйдаман һөнәре-бик мөһим һәм җаваплы шөгыль, барлык катнашучылар да конкурс биремнәрен ныклы әзерлек белән башкардылар. 3 сәгатькә якын иң актив әйдаманнар мастер-класслар күрсәттеләр, сорауларга җавап бирделәр. Барлык биремнәр нәтиҗәләре буенча төрле урыннар бүленде. Безнең мәктәп укучысы Сераҗиева Гөлназ "Иң ачык әйдаман" ("Самый яркий вожатый" исеменә лаек булды. 

Укучыларда сәламәтлек, сәламәт яшәү рәвешенә мотивация формалаштыру һәм үстерү максатыннан, 5 нче февраль көнне мәктәптә Сәламәтлек көне игълан ителде. 1-9 сыйныф укучылары бу көнне файдалы итеп үткәрделәр: тимераякта, чаңгыда, ватрушкада шудылар, ата-аналарга кар чистартуда булыштылар. Сәламәтлек көне балаларны уңай энергия, оптимизм, онытылмаслык хис-тойгылар белән сөендерде. 

Авылыбыз фельдшеры Шәрәфиева Р. белән мәктәп һәрвакыт тыгыз элемтәдә тора. Укучыларның сәламәтлекләрен кайгыртып чираттагы тикшерү уздырылды. Укучыларга авыруны булдырмау өчен аңлату эшләре алып барылды. 

Кошман урта мәктәбендә тимурчылык эше һәрдаим алып барыла. Укучылар үзләре генә торган әби бабаларга хәл белешергә, эшләрен эшләшергә йориләр. Шушы көннәрдә 5-9 сыйныф укучылары Рушания апа, Миннехан апа, Нәзир абыйның хәлен белеп, ишегалдын кардан чистартып кайттылар. Алар укучыларга үзләренең рәхмәт сүзләрен ирешетерделәр.

"Кояшкай" мәктәп яны лагерена йөрүче укучылар "Музей һәм балалар" атнасында катнаштылар. Балалар кызыксынып мәктәп музее экспонатлары белән таныштылар. Бу экскурсия балаларга бик ошады. Моннан тыш, укытучы Садриева Р. З. укучылар өчен рус теле буенча консультация үткәрде.

Бүген "Кояшкай" кышкы мәктәп яны лагерында укучылар мәтематика фәненнән төп дәүләт имтиханына әзерләнделәр. Төшке аштан соң "Үз сәламәтлегеңне ничек кайгыртырга?"дигән темага әңгәмә үткәрелде. Лагерьның бишенче көне мавыктыргыч уеннар белән тәмамланды.

География укытучысы һәм мәктәбебез директоры Гыйниятуллин Ф. Ф. мәктәп яны лагерена йөрүче балалар өчен география буенча консультация үткәрде. Шулай ук мавыктыргыч формада Географик викторина да узды, анда балалар әлеге фән өлкәсендә үзләренең белемнәрен күрсәтә алдылар. Балалар мәктәп пешекчеләренә тәмле һәм туклыклы иртәнге аш һәм төшке ашлары өчен зур рәхмәт белдерәләр.