Бүген "Кояшкай" ял лагерендә «Без наркотикларга каршы» дигән  темага багышланган чара үткәрелде. Тере  табигатькә  нигезләп  балаларга тормышның  матурлыгын, яшәүнең ямьлелеген, кошлар сайравында, сулар  агышында, чәчәкләрнең  матурлыгында икәнен аңлатырга  тырыштык. Наркотикларның  зарары, аны  кулланучыларның  шушы  матурлыкны  күрә, тоя  алмаулары  турында  әңгәмә кордык. Рәсем конкурсы оештырдык, хәрәкәтле уеннар уйнадык.  Балаларга  чара   бик ошады.  

Бүген Кошман авылы мәдәният йортында балалар күңелле уеннарда катнаштылар. Бүгенге көнебез бик күңелле һәм файдалы үтте.

Бүген "Кояшкай" мәктәп яны ял һәм сәламәтләндерү лагерына йөрүче балалар Олы Кайбыч авылында урнашкан Кайбыч ягы  музеена сәяхәт кылдылар. Төшке аштан соң исә мәктәп бакчасында чистарту эшләрендә катнаштылар, хәрәкәтле уеннар уйнадылар. Көнебез бик мавыктыргыч һәм файдалы үтте.

Бүген "Кояшкай" мәктәп яны ял һәм сәламәтләндерү лагерында көнебез "Без тарихта эзлебез" исеме астында үтте. Төп максат: балаларга Кошман авылы тарихы турында мәгълүматлар җиткерү, аларда кызыксыну уяту. Шул максаттан авылның истәлекле-тарихи урыннарына экскурсия, бу темага әңгәмәләр оештырылды. Балалар үзләре дә кайбер тарихи вакыйгалар турында белешеп килгәннәр иде. Шулай ук бүген алар авылыбыз мәчетенең тарихы белән таныштылар.

Бүген балалар авылыбыз эшмәкәрләрендә кунакта булдылар. Табигатьнең иң матур, иң чиста урынына урнашкан "Сайранов Р.Р." крестьян-фермерлык хуҗалыгы тавык фермасы экологик яктан чиста тавык ите җитештерә. Балалар биредә ферма белән танышып, саф һава сулап, күңелле ял итеп кайттылар. Төшке аштан соң малайлар һәм кызлар арасында шашка ярышлары үтте.

Бүген мәктәбебезнең рус теле укытучысы Садриева Розалия Зөфәр кызының гомер бәйрәме. Хөрмәтле Розалия Зуфаровна! Сезне олы бәйрәмегез - 55 яшьлек юбилеегыз белән чын күңелдән ктлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыгызның күңел җылысын тоеп, игелекләрен күреп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын.

Бүген илебездә зур бәйрәм - Россия көне. Шул уңайдан "Кояшкай" мәктәп яны ял һәм сәламәтләндерү лагерында да төрле чаралар үткәрелде. Балалар  кызыклы уеннарда катнаштылар, күңел ачтылар. Төшке аштан соң лагерьда “Россиянең дәүләт символлары” турында әңгәмә , “Росквиз” интеллектуаль уены үткәрелде. Шулай ук  балалар асфальтта Россиягә багышлап рәсемнәр ясадылар.

"Кояшкай" мәктәп яны ял һәм сәламәтләндерү лагерында Экология атналыгы дәвам итә. Балалар бүген Кошман авылындагы чишмә-күлләргә экскурсиягә бардылар, балчыктан сыннар ясаау белән шөгыльләнделәр. Төшке аштан соң балалар рәхәтләнеп туп типте, хәрәкәтле уеннарда катнашты, бадминтон буенча көч сынашты. Шулай ук "Куңелле балачак" исемендә рәсемнәр дә ясадылар. Бүгенге көнебез бик күңелле һәм файдалы үтте

"Кояшкай" мәктәп яны ял һәм сәламәтләндерү лагерында "Экология атналыгы" башланды. Шул сәбәпле лагерьда балаларны табигать белән якыннанрак таныштыру өчен төрле чаралар оештырыла. Бүген балалар "Татарстанның яшел аптекасы" китабы белән таныштылар. "Тиенкәй" балалар бакасына йөрүче нәни дусларыбзга "Эколята-дошколята дружат с природой" дип исемләнгән  кечкенә театр сәхнәләштерделәр.