Мәктәбебездә  март  ае  планы нигезендә  участок  инспекторы  Гиниятуллин  Дамир  Кыяметдин улы белән  очрашу  булды.Очрашуда  укучылар тарафыннан  үтәлергә  тиешле 71 нче закон кагыйдәләре  һәм  аларның  үтәлеше  хакында  сүз  барды. Балигъ  булган  балалар  белән  эшләү үзенчәлекләре һәм  яңалыклар  белән  таныштырды.

Уку елының озын өченче чиреге дә ахырына якынлашты. Бүген укытучылар өченче чирекне уңышлы тәмамлау турындагы приказ белән таныштылар,шулай ук  каникулның көннәре язгы һава торышы белән бәйле икәнен дә искәрттеләр. Язгы су басулар вакытында куркынычсызлык кагыйдәләре искә төшерелде, укучыларга инструктажлар уздырылырга кирәклеге аңлатылды.

14  нче  март  көнне  районда  зур  чара- “Олимп”  спорт  комплексында  “Закиров  Мансур” кубогына  көрәш  ярышы  булып  узды. Анда  безнең  мәктәптә  укучы  егетләребез дә  көч  сынашты. 8 нче сыйныф укучысы Какаев  Айдар  40 кг га кадәрле  авырлыктагылар  арасында  III нче  урынны алды,7 нче сыйныф укучысыФәйзуллин  Нәфкать 32 кг га кадәрле  авырлыктагылар  арасында  II нче  урынга лаек булды. Мәктәп  командасы  IV нче урынны алып  Грамота һәм  медаль белән  бүләкләнделәр.

Кайбыч  муниципаль  район  Советының  29  нчы  сессиясендә Кошман  мәктәбе  әзерләгән  күргәзмәдә  балаларга  хезмәт  тәрбиясе  бирү  ачык  чагылыш  тапты. Әлеге  күргәзмәдә  технология  укытучысы Насретдинов  Айдар  Линар  улының  эш  тәҗрибәсе  киң  яктыртылды. Кул эшләреннән  әзерләнгән  күргәзмә  бик  күпләрнең  күңелендә  уңай  тәэсир калдырды.

Бүген җыелуыбызның максаты – безнең әби-бабаларыбыздан мирас булып килгән йоласын кире кайтару – “Аулак өй” йоласын.

Аулак өй... Элек-электән яшьләрнең сыену урыны булган. Кызлар-егетләр җыелышып күңел ачкан, җор теллеләре такмак әйткән, уен-көлке, җыр-бию таңга чаклы тынмаган.

Аулак өй яшьләрнең серләрен чит-ятларга түкми-чәчми саклаган, әби-бабайлар “яшьлекнең иң гүзәл мизгелләре шунда калды”, дип сөйлиләр. Безнең “Аулак өй” дә егетләрнең-кызларның беркемгә дә сөйли алмаган серләрен, хисләрен уртаклашучы, үзенең киңәшләре белән күңелләрне җылытучы учак булды.

9 нчы март көнне мәктәбебездә  “Кызлар- йолдызлар”  конкурсы  булып  узды. 8 нче  һәм  9  нчы  сыйныф  укучылары  ике  төркемгә  бүленеп, төрле  ярыш  биремнәре  үтәде. Ярыш  төрләре  кызлар  өчен  кирәкле  булган   биремнәрдән  төзелгән. Кызларыбыз  бик  теләп  үзләрен  осталыкта  сынады. Ярыш  кискен  барса  да, ике  команданың  да  кызлары  сынатмады, ике  арадагы  дуслык  җиңде.