Тиздән  җырчы  кошларыбыз  кайтыр, туган  җиребезгә  тагын  да  ямь  өстәлер. Канатлы  дусларыбызны  укучылар  зарыгып  көтә, аларга  матур  оялар  ясадылар. Ел  саен  мәктәптә  һәм  район  күләмендә  “ Иң  матур  сыерчык  оялары” на  конкурс  игълан  ителә. Укучыларыбыз  әлеге  бәйгедә  бик  теләп  катнашалар. Быел да район  күләмендә  узган  бәйгедә  мәктәбебез  3  нче  урын  алды  һәм    акчалата  премиягә  лаек  булды.

Мәктәбебез  укучылары    8 нче сыйныф укучысы  Сабиров  Мөнир ,6 нчы  сыйныф укучысы Ахметшин  Ильнур, 5 нче  сыйныф  укучысы  Мотыйгуллин  Фәнил  түгәрәк  җитәкчесе  Насретдинов  Айдар Линар улы  белән  “Казанская  чаша” –халыкара  ярминкәсендә  катнашып, диплом белән  бүләкләнделәр.

Соңгы  елларда халкыбызның  гореф-гадәтләрен, йолаларын  өйрәнүгә  игътибар  артты. Без  ел саен  март  аенда “Нәүрүз”  бәйрәме  үткәрәбез. Бүген  мәктәбебездә  Нәүрүз  бәйрәме  узды.Укучылар  Нәүрүзбикәне  каршы  алдылар.Аңа  җырлар  җырладылар, шигырьләр сөйләделәр.

1 нче  сыйныф  укучылары  өчен  иң  мөһиме- хәреф  тану, иҗектән җыеп  уку. Менә инде  алар да әлифбаны  тәмамлап, хәреф  танучы, укый-яза белүче  укучылар  булдылар. Әлифбаны  тәмамлау  уңаеннан  22 нче  март көнне 1 нче  сыйныф  укучылары  өчен аларның  сыйныф  җитәкчеләре  Хәмидуллина Мәдинә  Сәлимхан кызы  зур бәйрәм  оештырды. Балаларның  әти-әниләрен түгәрәк өстәл  артына  җыеп, аларны балаларының  уңышлары  белән  таныштырды.Бәйрәм  бик күңелле  узды.

2013 нче “Экологик культура һәм әйләнә-тирәне саклау елы” уңаеннан 18-21 нче март аралыгында “Урман дәрес”ләре уздырылды.2 сыйныф җитәкчесе Садриева Э.Р. «Урман- безнең байлыгыбыз”дигән темага сыйныф сәгате үткәрде. Дәрестә төп игътибар урманның кешегә китергән файдасына, матурлыгына , сакчыл караш тәрбияләүгә бирелде. Балалар урман турында төрле табышмакларга җавап  эзләделәр, урманда яшәүче җәнлекләр, бөҗәкләр турында күп мәгълүмат алдылар.

  Мәктәбебездә  март  ае  планы нигезендә  участок  инспекторы  Гиниятуллин  Дамир  Кыяметдин улы белән  очрашу  булды.Очрашуда  укучылар тарафыннан  үтәлергә  тиешле 71 нче закон кагыйдәләре  һәм  аларның  үтәлеше  хакында  сүз  барды. Балигъ  булган  балалар  белән  эшләү үзенчәлекләре һәм  яңалыклар  белән  таныштырды.

Уку елының озын өченче чиреге дә ахырына якынлашты. Бүген укытучылар өченче чирекне уңышлы тәмамлау турындагы приказ белән таныштылар,шулай ук  каникулның көннәре язгы һава торышы белән бәйле икәнен дә искәрттеләр. Язгы су басулар вакытында куркынычсызлык кагыйдәләре искә төшерелде, укучыларга инструктажлар уздырылырга кирәклеге аңлатылды.