Кошман авылында күптән көтелгән яңа балалар бакчасы үзенең ишекләрен ачты. Сабыйлар, аларның әти-әниләре, бакча коллективының шатлыкларын уртаклашырга ,куп кунаклар килгән иде.
Тиенкәй” исемле яңа балалар бакчасы урта мәктәп янында урнашкан.
- Бүген балалар һәм аларның әти-әниләре түземсезлек белән көтеп алган үзенчәлекле көн, - диде район башлыгы үзенең чыгышында. – Яңа ел алдыннан барлык балалар да могҗиза өмет итәләр. Ә бүгенге бәйрәм исә, чын могҗизага тиң. Без үзебезнең якты, ышанычлы киләчәк өчен балаларыбызга бөтен шартларны да тудырырга тиешбез. Яңа, заманча балалар бакчалары төзелү шуңа бер этәргеч булып тора. Бу биналар киләчәктә буш булмасын, яшьләр күбрәк авылда калсын иде.
 

Ярышабыз-узышабыз.
Саф һавада уйныйбыз без
Шаярабыз, көләбез
Спортның файдасы күп
Сау - сәламәт шуңа без!
 

Туган як табигате белән танышу, балаларның күңелләренә туган якның матурлыгын сеңдерү, табигать белән кызыксынучанлыкны үстерү, сак караш тәрбияләү .
 

Җәй – балаларның иң яраткан вакыты. Үсеп килүче яшь буынның организмын ныгыту максатыннан, көннәр буе саф һавада йөрергә мөмкин. Җәйге чорда балаларның иҗади, танып белү һәм хәрәкәт эшчәнлеген үстерү өчен, тәрбиячеләр төрле уен формалары уйлап таба. Күп очракта, әлеге төр эшчәнлектә балалар мәйданындагы җиһазларны куллана.

Иртәнге гимнастика мәктәпкәчә яшьтәге балаларны сәламәтләндерү буенча мөһим компонент булып тора..Ул балаларны савыктыруга, сәламәтлекләрен ныгытуга, физик сыйфатларын һәм сәләтләрен үстерүгә юнәлдерелгән. Балалар иртәнге гимнастиканы бик теләп эшлиләр. Иртәнге гимнастика балаларның кәефләрен күтәреп кенә калмый, рухи яктан да үстерә, дустанә мөнәсәбәтләр тудыра.

22июньне Хәтер һәм кайгы көне буларак билгеләп үтәбез. Нәкъ шул көнне, дөресрәге 1941 елның 22 июнь таңында, фашист Германиясе илебезгә бәреп кергән. 1418 көн һәм төн дәвам иткән канкойгыч сугышта СССР 27 миллионлап кешесен югалткан. Бүген зурлар һәм мәктәпкә әзерлек төркеме балалары да сугыш корбаны булучыларны искә алырга Тыл һәм хезмәт батырлары һәйкәле янына бардылар.
 

Балалар көне буе табигатьнең матурлыгына сокланып,кошлар сайравын тыңлап,комлыкта уйныйлар,комнан үзләренең яраткан фигураларын ясыйлар.
 

13 июнь көнне Кошман авылы китапханәсендә "Тиенкәй" балалар бакчасына йөрүче нәниләр экскурсиядә булдылар. Экскурсиянең максаты мәктәпкәчә яшьтән үк аларны китап белән кызыксындыру, китапка сакчыл караш тәрбияләү. Балаларны китапханә, китаплар, һәм китап фонды белән таныштырдык. Аларга китапларны ертмаска, пөхтә итеп тотарга, укырга кирәклеге турында сөйләнде.
Балалар төрле формадагы китапларны, китапханә алдыра торган балалар журналларын бик яратып карадылар.
 

Уку елы азагында Кошман «Тиенкәй» балалар бакчасында әти-әниләр җыелышы узды.
Тәрбияче Салахова И.Г әти-әниләрне 2018-2019 нче уку елы йомгаклары, җәйге чорны оештыру буенча куелган максатлар белән таныштырды, шулай ук җәйге чорда балалар сәламәтлеген һәм куркынычсызлыгын саклау буенча инструктаж уздырдылар. Җыелышның икенче өлешендә төркем тәрбиячеләре әти-әниләргә, уку елы дәвамында балаларның өйрәнгән белемнәрен күрсәтеп, ачык интеграль шөгыльләр күрсәттеләр

Безнең бакчабызда балаларның ирекле сюжетлы-рольле уеннар уйнау өчен барлык мөмкинлекләр дә бар. Балалар шөгыльләрдән тыш вакытларында төрле ирекле уеннар уйнарга бик яраталар.Бу уеннар  балаларда  дуслык,бердәмлек,бер-берсенә юл куя белү кебек сыйфатлар тәрбияләргә ярдәм итәләр.