Китап - киңәшчең синең,

Дустың, ярдәмчең синең,

Ул хөрмәткә бик хаклы-

Кадерлә син китапны.

Зур бер бүләк алган сыман,

Чын күңелдән куандым:

Сыерчык килде, сыерчык,

Сагынып көткән кунагым.

Яз хәбәрчеләре - күчмә кошлар килүгә ояларны яңартабыз. Кошлар көнен үткәрергә, шигырьләр ятлап, матур җырлар өйрәнеп әзерләнәбез.

Балалар арасында "Шырпы - уенчык түгел" дигән темага рәсем ясап, иң матур ясаучыларны билгеләдек. Ата-аналар белән эшчәнлеккә дә шуны ук алып, үзенең баласы белән бергәләп, рәсем ясап килергә куштык. Рәсемнәрдән күргәзмә ясадык.

Бүген бакчабызда тәрбияләнүче балалар, әвәләү шөгелендә, Кызыл калфакның дәү әнисенә "күчтәнәчкә" төрле-төрле тәм - томнар: печенье, торт, пироглар әвәләп  ясадылар.

Кар дип җиргә басасың,

Суга кереп батасың.

Чыксын инде умырзая,

Кар астында ятмасын.

Кояш көлә, мин елмаям,

Туган көнем бүген.

Шуңа күңелем шат минем.

Халкыбызның җырлы - биюле, сүзле, хәрәкәтле уеннар уйнап күңел ачтык. Нәүрүзбикә әзерләгән язгы табышмак-сынамышларга җавапларны да бик тиз таптык.

Көннәр аяз, күктә алсу

Нур сибеп, кояш көлә.

Җиргә тама көмеш тамчы -

Сагынып көткән яз килә.

Искә ала бүген Ватаныбыз

Шаулап үткән көрәш елларын.

Данлый, зурлый һәм хөрмәтли

Курку белмәс батыр улларын.