Син күрмәгән яңа буын килде,

Котлап бүген туган көнеңне.

Киләчәккә барган улларыңнан

Ишетәсең "Туган тел"еңне.

Бүген китапханәче Фәридә Касыйм кызы бакчабызга керде. Ул балаларда китапка карата мәхәббәт тәрбияләү, кызыксыну  уяту максатыннан Г.Тукай , аның китаплары, китаптагы иллюстрацияләр белән таныштырды, әсәрләрен укып күрсәтте. Ул алып кергән китаплардан күргәзмә оештырдык.

Балалар бакчасында тәрбияләнүчеләр арасында әкиятләр аша әхлаклылык тәрбияләү, ата-аналарны Г.Тукай әсәрләрен бергәләп уку, мульфильмнарын карауга этәрү, балаларның иҗадилыгын күрү, хуплау максатыннан рәсем конкурсы үткәрдек. Ата-аналар балалар белән бергәләп конкурста катнаштылар. Тәрбия, белем бирү өлкәсендә коллектив белән бергә атлаган ата-аналарга рәхмәт белдерәбез.

Мәктәпкәчә яшьтәге балаларны кешелекнең социокультура нормаларына тарту, табигатьтән файдалану практик культурасын үстерү, үзенең сәламәтлегенә сак  караш тәрбияләү максатыннан бакчабызда "Җир көне" уздырдык.

Кайбыч ягым - яшел урман

Урап алган һәр ягын.

Кайбычымның өр - яңадан

Үсеп килгән чаклары.

Гөрләп ага гөрләвекләр,

Юлга тула күлдәвекләр.

Кошлар сайрый тирә-якта,

Умырзая чәчәк ата.

Тышта яз иде

Күкләр зәп - зәңгәр

Таралды кинәт

Шатлыклы хәбәр.

Кеше галәмдә!

Агачыбыз яфрак ярган

Кояш яктысы төшкән.

Нинди матур сайрыйлар -

Кошлар да килеп җиткән.

Иртән килгәч бакчага

Гөлләргә су сибәбез,

Аларның матур чәчәге

Сокландыра һәркемне.

Елгада бозлар кузгалды...

Елмая, көлә кояш.

Урамнар буйлап атлады

Ямьле һәм күңелле яз.