13-21 февраль көннәре мәктәптә "Туган тел" атналыгы дип игълан ителде. 17 нче февральдә үткәреләчәк "Теле барның -иле бар!" дигән темага иншалар бәйгесенә старт бирелде. Атна дәвамында төрле чаралар планлаштырыла.

Хәрби –патриотик айлык һәм башлангыч сыйныфлар атналыгы кысаларында башлангыч сыйныф укучылары арасында “ Күңелле стартлар” уены үтте .  Ярышта “Лачыннар” командасы белән “Бөркетләр” командасы  көч сынашты.” Бөркетләр”командасы үзләренең оешкан, җитез,оста ,өлгер булуларын күрсәтеп, “ Лачыннар” командасын җиңүгә ирештеләр . ” Күңелле стартлар” дөрестән дә бик күңелле үтте .

Бүген 8-9 нчы сыйныф укучылары  белән “Татарстан-2030: республика киләчәгенә минем керткән өлешем” диеп исемләнгән Парламент дәресе үткәрелде. Дәреснең икенче өлеше "Туган җирем- Татарстан" дип исемләнгән викторина белән дәвам итте.

Хәрби-патриотик айлык кысаларында башлангыч сыйныфлар атналыгының бу көне батырлык көне иде. ”Батыр йөрәкле булу һәркем өчен кирәк “ дигән темага батырлык дәресе үтте .Дәрес барышында укучылар Бөек Ватан сугышы чорындагы балаларның батырлыгы турындагы  презентация белән таныштылар. Язучы,шагыйрь  Ф.Яруллинның тормышы, яшәве үзе чын  батырлык икәнлеген группаларда эшләнелгән проектларын яклап инандылар .

Сегодня  Парламентский урок в 9 классе  провела учитель истории и обществознания  Хайрутдинова Милеуша Рафиковна. Урок прошёл в форме лектория с элементами беседы.  Видеофильм, использованный на уроке взят с сайта Министерства образования и науки РТ. На уроке  так же была задействована мультимедийная презентация.

Хәрби-патриотик айлык һәм башлангыч сыйныфлар атналыгы кысаларында,  башлангыч сыйныф укучылары Буа шәһәрендәге крайны өйрәнү музеена һәм шәһәр үзәгендәге Батырларга куелган һәйкәлләр янында булып,  бик күп кирәкле мәгълүмат белән танышып кайттылар. 

Атналыкның беренче көнендә мәктәп музеена һәм китапханәсенә экскурсияләр оештырдык, зирәкләр бәйгесе уздырылды, табышмакларга  бергәләп җаваплар эзләдек. Аннан соң  зирәклеккә биремнәр үтәдек. Балалар бик теләп катнаштылар, бик күңелле булды.

Бүген башлангыч сыйныфлар атналыгы башланды. Атналык барышында кызыклы, мавыктыргыч чаралар көтелә.

Бүген 5-6 нчы сыйныфлар арасында математика укытучысы Төхфәтуллина М Р "Математик КВН" бәйгесе үткәрде. Ярыш  "Сары өчпочмаклар" һәм "Зәңгәр өчпочмаклар" командалары арасында бик мавыктыргыч, күңелле үтте. Нәтиҗәдә "Зәңгәр өчпочмаклар" командасы җиңү яулады.

Тарих һәм җәмгыять белеме укытучысы Хәйретдинова М Р мәктәп күләмендә  5 нче сыйныфта "Афина мәктәпләрендә һәм гимнасийларында" дигән темага ачык дәрес үткәрде.