Сезне барыгызны да чын күңелдән Яңа ел бәйрәме белән котлыйбыз!

Яңа еллар килсен бәхет алып,

Яңа еллар килсен елмаеп.

Күңелләрдә мәңге шатлык булсын,

Яшәмәгез, дуслар моңаеп.

Бүген безнең мәктәбебездә, укучыларның яратып көтеп ала торган, Яңа ел бәйрәме булып узды. Бәйрәм мәктәп дректоры Фаткуллин Ф.Ф. котлавы белән башланып китте.Ул укучыларның әти-әниләренә балаларының укуда ирешкән уңышлары өчен Рәхмәт хаты тапшырды.

Бәйрәм 3 звенода үтте. Төрле әкият геройлары булып киенгән укучылар рәхәтләнеп күңел ачтылар: җырладылар, биеделәр, шигырь сөйләделәр, Кыш бабайдан күчтәнәчләр алдылар, ярышып кызыклы уеннар уйнадылар.

Бәйрәмне оештыруда ярдәм итүләре өчен филиал №2 "Ак Барс Буинск" директоры Альфак Дамировичка, шәхси эшмәкәрләр: Зульфира Туктагыловнага, Нурислам Нуртдиновичка бик зур рәхмәтебезне белдерәбез!

Бүген мәктптә технология атналыгы нигезендә, "Кар бөртекләре" конкурсы булып узды. Укучылар бик актив катнаштылар.

Хатлар, хатлар...Өчпочмаклы, ак, зәңгәр яки ал конвертлы, читенә кыр почтасының тәртип саны куелган, штемпель сугылган хатлар. Әллә ничә төрле кулъязма...төрле төстәге карандашлар, төрле төстәге кара белән язылган алар. Төрле-төрле телдәге бу хатларда бер максат, бер уй, бер теләк бик ачык чагыла: җиңүгә ышаныч!

Бөек Җиңүнең 70 еллыгына багышланган чаралар планы буенча "Өчпочмаклы хатлар эзенннән..." дигән конкурс булып узды. Конкурста 8-10 сыйныф укучылары катнаштылар.

Җаваплы укытучы: Зинятуллова Г.А.