Куркынычсызлык айлыгы кысаларында сыйныфларда төрле чаралар үтә. Укучылар юлда йөрү кагыйдәләрен, җәяүлеләрнең йөрү кагыйдәләрен , төрле уеннар, шигырләр,җырлар аша кабатлап үтәләр.  Без кечкенәдән үк юлда йөрү кагыйдәләрен  белергә тиешбез, юлда имин йөрүебез үзебездән тора. Чөнки кагыйдәләрне белмәгән, юл билгеләренә игътибар итмәгән кеше куркыныч хәлләргә күбрәк эләгәләр.  

Бүген башлангыч сыйныф укучылары Янтуган җирлегендә урнашкан Янгын сүндерү участогында булып кайттылар.Анда укучыларны әлеге участокның җитәкчесе С.А.Замдиханов каршы алды.Ул укучыларны янгын сүндерүчеләрнең киемнәре белән таныштырды.Янгын куркынычсызлыгы кагыйдәләре турында сөйләде.

Бүгенге сыйныф сәгатендә 9 нчы сыйныф  укучылары Беслан мәктәбендә булган коточкыч вакыйга турында сүз алып барды. Ул вакытта террорчылар кулыннан 334 кеше бер гөнаһсызга һәлак булды, 800 кеше төрле тән җәрәхәтләре алды. Укучылар һәлак булганнарны бер минутлык тынлык белән искә алды.

Шулай ук ә яшүсмерләргә Беслан фаҗигасе вакытында батырлыклар күрсәткән кешеләр турында фильм да күрсәтелде. Әңгәмә вакытында сыйныф җитәкчесе  укучыларның шәхси иминлегенә игътибар итте. Гадәттән тыш хәл була калса, нишләргә, үзеңне саклап калу өчен нинди чаралар башкарырга – барысын да сөйләп үтте.

Беренче сентябрь иртәcе кояшлы да ,болытлы да, яңгырлы да була.Шулай да андый иртәләрнең һәрберсе күңелгә  кояшлы булып иңә.Ничек шулай булмасын! Белем иле юлыннан беренче адымын ясый бит бала, киләчәгенә юл яра! Күрегез, ничек матур безнең балалар! Кулларында-чәчәкләр, күңелләрендә- бәйрәм! Безнең нәни дусларыбыз бүгеннән укучылар булалар. Алар мәктәптә дөрес утырырга, китап-дәфтәрләрен ничек куярга, укырга-язарга өйрәнерләр.

Мәктәп юлы-хөрмәт юлы

Киләчәккә илтә.

Котлы булсын уку елы

Башланган бу иртә!

“Хезмәт һәм сакка әзер”(ГТО) нормаларын төгәл һәм яхшы тапшырган укучыларыбыз көмеш һәм бронза медальләргә лаек булдылар

6 нчы сыйныфта үткәрелгән Тынычлык дәресе “Бөтен җир шарында тынычлык” җырын тыңлаудан башланды. Тынычлык сүзен ничек аңлатырсыз,-дигән сорауга укучылар:

-Яшәү, өмет, шатлык, сәламәтлек,-дип җавап бирделәр.

Тынычлыкның кадерен без кайчан һәм ничек аңлый башлыйбыз дигән сорауга, укучылар сугышны үз күзе белән күргән кешеләр аңлый дип җавап бирделәр. Һәм укучылар өч кыз язмышы белән танышты. Бу Таня Савичева, Садаки Сасако, Саманта Смит. Кыска гомерле бу балаларга куелган мемориал такта һәм һәйкәлләр аларның тынычлык яклы булулары турында сөйли.  

Димәк, без нәрсә яклы икән? Без бу дөньяга ярату, җирне матурайту өчен килгән. Без тынычлык яклы.