Таң атуын ничек белә алыр идең,

Тау артыннан алсу нурлар сузылмаса.

Килер язның ни хозуры булыр иде,

Мул җимешле , алтын хисле көз булмаса.

 Һәрбер чорның үз матурлыгы бар. Кыш үзенең әче бураннары, яз - тезелешеп кайткан кыр казлары белән матур. Җәйнең йөзен аллы-гөлле чәчәкләр бизи. Ә көз? Алтын көз! Исеме дә әнә нинди матур яңгырый. Болай әйткән вакытта без табигатьтәге буяу-бизәкләрне генә күздә тотмыйбыз. Көзнең алтынлыгы, аның муллыгы һәм күркәмлеге көзге муллык белән билгеләнә.

 Уңыш бәйрәме урта буын сыйныфларында кызыклы һәм үзенчәлекле булды. Укучылар шигыр, җыр, биюләр генә түгел төрле әкият күренешләре дә күрсәттеләр. 

8 нче сыйныфта интернет челтәрендә куркынычсызлык темасына тәрбия сәгате утте.Укучылар  төрле кагыйдәләр белән таныштылар.Интернетның файдасы һәм зыяны турында сөйләшү алып бардылар.

Хокук айлыгы кысаларында тарих укытучысы Хусаинова А.А. 7-10 нчы сыйныф укучылары белән  "Конституция-хокуклар сакчысы". дгән темага әңгәмә үткәрде. Укучылар ТР Конституциясе, аның тарихы турында презентация карап, кеше хокуклары бозылу очраклары турында хокукый мәсьәләләр чиштеләр.

1989 елның ноябре – Берләшкән Милләтләр Оешмасының Бала хокуклары турындагы Конвенциясен кабул иткән көн.

Россиядә Конвенция 1990 елның 15 сентябрендә гамәлгә керде.

Конвенция, 18 яшькә кадәрге һәрбер кешенең шәхси хокуклары күрсәтелгән, 54 маддәдән тора.

 9 нчы сыйныф укучылары-мәктәп активлары бүген   бала үз хокукларын яклый алсын өчен  конвенциянең төп маддәләре белән танышты, уен формасында төрле ситуацияләрне чиште.

  Хөрмәтле  укытучылар  һәм  укучылар! Бүген  безнең  илебез  зур  бәйрәм-укытучылар  бәйрәмен  билгеләп  үтә. Укытучылар  бәйрәме – ул  халыкара бәйрәм , чөнки  барлык  кешеләр  укучылар  булганнар  һәм   аларның      һәркайсының   укытучылары  бар.

      Кадерле  балалар!Без  бүген  мәктәбебезгә  армый – талмый  хезмәт  куючы, күңелләребезгә  яхшылык орлыклары  сибүче,  акны  - карадан, яхшыны – яманнан  аерырга  өйрәтүче  укытучыларыбызны  хөрмәтләргә  җыелдык.

     Укытучы  хезмәте  күп   сабырлык  сорый  торган  һөнәр  булып  тора. Теләсә  кем  укытучы  була  алмый . Мәктәптә  эшләү  өчен  балаларны  үз баласыдай  якын  күрергә, аның  тормышы  белән  яши  белергә, кайгы – шатлыкларын  уртаклаша  белергә, төпле  белемле  булырга  кирәк.Димәк , безнең  каршыда  утыручы  укытучыларыбыз да  шул  сыйфатларны  үзләренә  туплаган.

                                         Укытучы!

                 Синдәдер  ул  йөрәкләрнең  иң  олысы

                 Синдәдер  ул   йөрәкләрнең   иң  җылысы    

                  Һәркөн  сиңа  ничә  сабый  карап  тора

                  Алар  сине  әниседәй  якын  күрә.