14 май көнне   план буенча мәктәптә "Балаларны яклау көне " үткәрелде . Беренче мәктәп директоры билгеләгән сигнал яңгырады , укучылар һәм укытучылар бердәм рәвештә мәктәп територриясеннән читкә чыгып төзелделәр . Сыйныф җитәкчеләре рапортлары тыңланды. Тикшерүдә күренгәнчә мәктәп  эвакуация вакытына сыешты . Гражданнар оборонасы җитәкчесе ( мәктәп директоры) эвакуациягә  "якшы" билгесе куйды. Көннең  икенче өлешендә хәрбиләштерелгән эстафета булды . Нәтиҗәләр тибәндәгечә . Башлангыч сыйныфлар арасында 4 сыйныф- 1 урын , 2 сыйныф - 2 урын , 3 сыйныф - 3 урын , 1сыйныф - 4 урын.

5-8 сыйныфлар 8 сыйныф - 1 урын , 6 сыйныф - 2 урын , 7 сыйныф - 3 урын , 5- сыйныф - 4 урын .

9-11 сыйныфлар арасында беренчелекне 10 һәм 11нче сыйныфларның җыелма командасы беренче , ә 9 сыйныфлар 2 нче урынны яуладылар .  

14 нче май көнне мәктәбебездә зур гаилә бәйрәме булды. Ул бердәм республика дәресе уңае белән оештырылды. Иң элек Укучылар һәм гаиләләр “Гаилә һәм гаилә кыйммәтләре” дигән темага лекция тыңладылар. Лекцияне ЗДВР Идиятуллина Г.Т. укыды. Гаиләләр турында матур шигырьләр яңгырады. Аннары бәйрәм табигать кочагында дәвам итте.Укытучылар гаиләләреннән төзелгән командалар төрле кызыклы уеннарда һәм спорт ярышларында катнаштылар. Барлыгы 10 команда уйнады. Бәйрәм бик күңелле һәм кызык булды. Афәрин балалар һәм әтиләр-әниләр!

“Минем гаиләм” дигән темага 8 нче сыйныф укучылары инша яздылар.(Укытучылары Хәйруллина Р.Ф.) Алар гаилә турында фәлсәфи фикер йөртеп тә, үз гаиләләре турында ихлас фикерләрен белдереп тә, үрнәк гиләләр нинди булырга тиеш, дигән сорауга үзләренең туры сүзләрен әйтеп тә язарга тырыштылар. Бигрәк тә Шәфигуллина Нәргизә, Сабирҗанова Ландыш , Шакирова Динә, Гатауллина Ләйсән иншаларын чын күңелдән, гаиләләре белән горурланып, яратып язганнар иде.

Гаилә көненә багышлап һәр сыйныфта стена газеталары чыгардылар, плакатлар ясадылар. Бу эшкә һәр сыйныф та бик җаваплы карадылар. Берсеннән берсе эчтәлеклерәк, матуррак газеталар бизәде мәктәбебез диварларын. Газеталарда укучыларның үз гаиләләре турында язган кечкенә мәкаләләре, шигырьләре һәм гаиләләре белән төшкән фоторәсемнәре урын алды.

Минем дус гаиләм” темасына 1-9 нчы сыйныф укучылары рәсемнәр ясадылыр һәм шулардан мәктәбебез залында зур күргәзмә оештырылды. Күргәзмәне һәр укучы кызыксынып, бер-берсе белән фикерләрен алышып, үзләренең бәяләрен биреп карадылар. Рәсемнәр бик күп иде,  ихластан ясалганнар иде, балаларның үз гаиләләрен яратулары бөркелеп тора иде. Рәсемнәр күргәзмәсен оештыру белән башлангыч сыйныф укытучылары: Зиннәтуллина Л.В., Сабирҗанова Г.Ф., Хасанова Г.Н. һәм искусство фәне укытучысы Гобәйдуллина И.И. җитәкчелек иттеләр.

Аксу урта мәктәбендә Бөек Җиңүнең 71 еллыгына багышланган зур тантана  булып узды.Бәйрәмгә  сугыш ветераны Мөлеков Котдус абый чакырылды.Ул үзенең сугышта күргән аырлыклары турында укучыларга сөйләде.

9 май көнне мәктәптә «Үлемсез полк» акциясе үткәрелде.Акция сугыш ветераннарын хөрмәтләү,алар үткән данлы юлларны искә төшерү максатыннан үткәрелде.

                                                        Раслыйм:                          

                                                     Директор школы:   

                                                                                                   Т.Д.Хайруллин                       

Гаилә көненә багышланган чаралар программасы

29 апрель Россия күләмендә барлык мәктәпләрдә бердәм ТИН дәреслере булып үтте. Без дә бу вакыйгадан читтә калмадык . Дәрес темасы итеп Ченобыль катастрофасының 30 еллыгын алдык . Безнең авылда бу куркыныч күренешне бетерүдә катнашкан Алишов Айдар абый һәм Гарафутдинов Рәүф абыйлар бар . Без  очрашуга Айдар абыйны чакырдык . Ул үзенең чыгышында барлык күргәннәрен, аннан кайтканнан соң булган кичерешләрен сөйләде . Укучылар аның чыгышын йотылып тыңладылар. Аннан соң ТИН укытучысы Нурмухаметов И.А. чыгышы булды . Ул Чернобыль турында видеофильм күрсәтте . Презентациядә исә катастрофа хронологиясе һәм аннан күрелгән зыян турында сөйләде.

«Неделя добра» акциясе  кысаларында  Аксу урта мәктәбе укучылары мәктәп яннарын чистарттылар.