ТАССР га 100 ел тулу уңае белән мәктәп китапханәсендә ТАССР логотибы астында стенд төзелде.

-Әлифба, Әлифба! Китәсең бит инде

Җыр итеп җырлыйбыз иң соңгы битеңне.

  Бүген (5 февраль) мәктәбебездә бик матур бәйрәм-“Әлифба” бәйрәме булды. 1 нче сыйныф укучылары “Әлифба” китабын өйрәнеп бетерделәр. Бу - зур җиңү. Менә шул шатлыкларын әти-әниләре, укытучылар белән бергәләп бәйрәм иттеләр. Алар хәзер укый, яза беләләр. Матур җырлар да күп өйрәнделәр, математика буенча да тиз генә исәплиләр. Алга таба да зур тырышлык, уңышлар телибез.

Җиңүнең 75 еллыгына башланган акция дәвам итә. Укучыларыбыз, актив рәвештә китапханәгә йөреп,  сугыш турында язылган әдәби китаплар укыйлар.

1 нче   февральдән мәктәпләргә  1 нче сыйныфка укырга керүче балаларның  әти-әниләреннән гаризалар кабул итү башланды. Шул уңай белән булачак 1 нче сыйныф укучыларының әниләрен мәктәпкә чакырдык. Аларга безнең мәктәптә уку-укыту тәртипләре, укучы балаларга кирәкле әсбаплар, мәктәп формасы  нинди булырга тиешлеге аңлатылды. Укырга керүче балалар белән әзерлек курслары башлануы турында әйтелде. Менә балалар мәктәптә. Алар мәктәптә  кулларына ручка тотарга, язарга, кайбер фигураларны ясарга өйрәнеп караячаклар. Быел мәктәпкә 5 бала укырга керер дип көтелә.

          Татар әдәбияты  буенча Республика олимпиадасында 1 укучыбыз катнашты. Ул 11 нче сыйныф укучысы –Айсылу. Тырыш һәм максатчан укучыбыз  призер булды. Булдырдың, Айсылу! Мәктәбебез синең белән горурлана.

Татарстанда 2020 нче ел “ТАССР төзелүгә 100 ел” еллыгы дип игълан ителде. Шул уңай белән мәктәбебездә төрле чаралар оштырыла башлады. Библиотекарь Дилбәр Мансуровна тарафыннан Татарстанга багышланган альбомнар, китаплар, фотолар, журналлардан торган күргәзмә оештырылды. Укучылар күргәзмәгә куелган материаллар белән  бик кызыксынып таныштылар.

2020 нче ел -Татарстанда “ТАССР төзелүгә 100 ел” еллыгы. Мәктәбебездә еллыкны ачу тантанасы булды. Ул “Тирән тарихлы Татарстан” дигән тема астында үтте. Укучылар Татарстан турында шигырьләр, җырлар белән чыгыш ясадылар. Тарихи мәгълүмат бирделәр. Чараны тарих укытучысы Гүзәл Җәвитовна һәм авыл китапханәсе җитәкчесе Фәридә Җәүдәтовна әзерләде.

Татар теле буенча Республика олимпиадасында 2 укучыбыз катнашты. Алар  бик әйбәт нәтиҗәләргә ирештеләр. 9 нчы сыйныф укучысы Салават призер булды. Афәрин, балалар!

27 нче гыйнвар-Ленинград блокадасы өзелү көне.Шул уңай белән мәктәбебездә зур чара үткәрелде. Укучыларга Ленинград блокадасы турында тарихи мәгълүмат бирелде. Барлык укучыларга да Ленинград блокадасы көннәре чагылдырылган фильм күрсәтелде. Шул көннәр турында тетрәндергеч җырлар тыңлатылды. Бу чаралар тарих укытучысы Камалиева Г.З.җитәкчелегендә үткәрелде. Балалар бик теләп, зур канәгатьлек белән тыңладылар. Балаларыбызның киләчәге якты, күкләребез һәрвакыт аяз, тормышыбыз тыныч булсын иде.

Итоговое собеседование по русскому языку, 2020 год