Бүген мәктәбебездә,Укытучылар көне уңаеннан, Үзидарә көне узды. Ул, укытучылар белән берлектә, иртәнге зарядкадан башланды. Укытучылар бүген 12 нче сыйныф укучылары ролендә иде. Укучылар исә, киресенчә, үзләрен укытучылар урынында сынап карады. Көн бик күңелле үтте. Дәресләрдән соң укучылар укытучыларга үзләре әзерләгән бәйрәм концерты күрсәтте. Укытучылар бәйрәмнән бик канәгать калдылар.

Бүген, Өлкәннәр көне уңаеннан, укучылар авылыбызның төрле урыннарына үзләре ясаган котлау открыткаларын беркетеп чыктылар.

Бу атнада башлангыч сыйныф укучылары арасында "Мин һәм спорт !" исемле рәсемнәр бәйгесе үткәрелде.

Бу атнада урта һәм югары сыйныфлар арасында "Без наркотикларга каршы!" исеме астында стена газеталары бәйгесе үтте.

Бүген Баулы шәһәренең Эш белән тәэмин итү үзәге вәкилләре килде. Алар 8,9 нчы сыйныф укучылары белән киләчәккә һөнәр сайлау турында әңгәмә үткәрделәр. 

25 нче сентябрь көнне мәктәптә тантаналы линейка үтте. Ул 2нче сыйныф укучыларын эзтабарлар сафына кабул итүгә багышланган иде.

Бу атнада мәктәп китапханәсендә наркоманиягә каршы китаплар күргәзмәсе оештырылды.

Бөтенроссия макулатура җыю  акциясеннән  безнең  мәктәп тә  читтә   калмады.Барлык укучылар да бик актив катнаштылар. Күмәк көч белән   3 т 440кг  макулатура җыеп тапшырдык !

19 нчы сентябрь көнне ата-аналар җыелышы үткәрелде.

Бу атнада 5-11 нче сыйныфлар арасында  "Җиребезне саклыйк!" исеме астында экология атналыгына багышланган плакатлар бәйгесе үтте.