Бүген мәктәптә ата-аналар җыелышы үтте. Анда район башкарма комитеты җитәкчесенең социаль мәсьәләләр буенча беренче урынбасары Ринат Хәмидуллин да чыгыш ясады. Фәтхелзинанова Глүзә Зәкинур кызы ата-аналар каршында "Хокук бозуны кисәтү буенча профилактика" темасына доклад сөйләде. Уку-укыту эшләре буенча директор урынбасары Хафизова Гөлүсә Хәмит кызы I чирек нәтиҗәләре белән таныштырды.

Бүген  мәктәптә Әниләр көненә багышланган зур концерт булды. Анда укучыларТуфан Миңнуллинның  "Аерылабыз, хуш инде"дип исемләнгән әсәрен сәхнәләштереп күрсәттеләр. Әниләргә багышланган җыр һәм шигырьләр яңгырады.

Бу атнада һәр сыйныф Әниләр көненә багышланган стена открыткалары ясадылар һәм ата-аналар җыелышына  әниләре килүгә элеп куйдылар.

15 нче ноябрь көнне "Я люблю тебя, Россия!" патриотик җыр бәйгесенең мәктәп этабында җиңгән укучылар муниципаль этапта катнашып, уңышлы гына чыгыш ясап кайттылар. "Наз" триосы-II  дәрәҗә,  Басыйрова Айсылу-III дәрәҗә диплом белән бүләкләнде.

12 нче ноябрь көнне "Я люблю тебя, Россия!" патриотик җыр бәйгесенең мәктәп этабы үтте.

Бу атнада  мәктәбебездә Театр атналыгы үтте. Өч көн рәттән башлангыч, урта, югары сыйныф укучылары үзләре әзерләгән театрларны тамашачыларга тәкъдим итте. Жюри әгъзалары укучылар чыгышына югары бәя бирде һәм иң оста роль башкаручыларны да билгеләп үтте.

Бүген барлык сыйныфларда  да Халыклар бердәмлеге көненә багышланган сыйныф сәгатьләре үтте. 

Бу атнада мәктәптә "Без коррупциягә каршы!" исеме астында рәсемнәр бәйгесе узды.

Бүген авыл Мәдәният йортында  Баулы шәһәренең Яшьләр бүлеге вәкилләре белән очрашу узды. Анда безнең мәктәп  укучылары да катнашты.

11 нче октябрь көнне югары сыйныф укучылары өчен "Көзге бал" бәйрәме уздырылды. Бәйрәмдә өч команда ярышты. Кичәне  10 нчы сыйныф укучылары әзерләде һәм бик матур итеп алып барды. Ярыш төрләре, чынлап та,  кызыклы иде. Укучылар аларда  теләп катнаштылар. Барлык командалар да бик нык әзерләнгән иде. Жюрига җиңүчене сайлавы  авырга туры килде.Кичә бик күңелле һәм оешкан төстә үтте.