23 май көнне Субаш мәктәбенең иҗат концерты үтте. 

Бүген мәктәбебездә барыбыз  өчен дә, иң тантаналы һәм истәлекле көннәрнең берсе булдып узды. Бүген чыгарылыш сыйныф укучылары өчен соңгы кыңгырау янгырады.

Мәктәптә  сез канат ныгыттыгыз,

Хәзер инде очып китәсез.

Шатлык, сөенеч, изге күңел белән

Каршылагыз һәр көн иртәсен.

Эшләрегез һәрчак уңай булсын,

Изге хисләр безнең йөрәктә.

Хәерле юл сезгә, хәерле  юл

Калабыз без шушы теләктә        

Имтиханнарга кертү һәм беренче сыйныфларны күчерү буенча педсовет үтте.

Җәйге ял вакытында куркынычсызлык кагыйдәләре турында участок вәкиле Николаев Юрий Илгизович аңлатты.

9 нчы сыйныф әти-әниләре белән түгәрәк өстәл үткәрелде. Имтихан таләпләре кабаттан искәртелде.

Бүген районыбыз үзәгендә бәйрәм тантанасы узды. Бөек Җиңүнең 70 еллыгы уңаеннан оештырылган парадка килгән һәр ветеранга игътибар һәм хөрмәт күрсәтелде.

Сәгать иртәнге 9.30 башланасы чарага халык инде бер-ике сәгать алдан җыела башлаган иде. Һәркемнең дә санаулы гына калып бара торган чын геройлар белән очрашасы килә. Безнең мәктәп укучылары да әлеге чарада тамаша кылып кайтты.

                                    Хәтердән уела күп нәрсә,

                                    Онытыла иң гүзәл яз, кышлар.

                                    Онытылмый үзенең иңендә

                                   Ил данын күтәргән язмышлар.

                    Вакытлар үтүгә сүрелеп

                    Сүнәләр иң якты балкышлар.

                    Сүнмиләр, яктылык сибәләр

                    Көрәштә кабынган язмышлар.

     Җиңү көне! Халкыбыз өчен иң зур бәйрәмне быел яз көне 70нче тапкыр бүләк итә. Җиңү көннәрендә  һәйкәлләргә җан иңәр дә  , алар барысы бергә - «Якташлар , безне онытмагыз!» диярләр кебек. Безгә Җиңү таңы бүләк иткән каһарманнар - һәлак булган ил уллары безнең хәтердә мәңге яшәр! Бүгенге матур тормыш өчен без Сезгә бурычлы.

Бөек Җиңүгә багышлап мәктәбебез укучыларына кинофильм күрсәтелде.Укучылар аерым дулкынлану белән фильмны карадылар, дәһшәтле сугышның илебез күген бервакытта да капламавын теләп калдылар.