Башлангыч сыйныф укучылары табигатькә экскурсиягә чыктылар. Табигатьнең матурлыгына сокландылар. Мәктәп бакчасы кырыенда үскән агачлар, куаклар белән таныштылар.

Ислам диненең зур бәйрәме Корбан гаетенә багышланган әңгәмәләр уздырылды.

Субаш авылының матур күле тирәсендә Тукай исемендәге күмәк хуҗалык җитәкчесе Мухаметгалиев Р.Н., участок инспекторы Николаев Ю.И.  һәм шәхси эшмәкәр  Загидуллин К.Г. тарафыннан балыкчылар бәйгесе оештырылды. Зур - зур бүләкләргә ия булган балалар бәйрәмнән шат күңел белән таралыштылар. Бәйрәмгә килгән һәр балага бүләк тараткан иганәчеләргә олы рәхмәтебезне җиткереп аларга ныклы сәламәтлек, шатлык - куанычлар, эшләрендә уңышлар һәм хәерле озын гомерләр теләп калабыз.

Башлангыч сыйныф укучылары юлда йөрү кагыйдәләрен ,юл билгеләрен бик теләп өйрәнәләр.Юлда йөрү кагыйдәләрен ,юл билгеләрен белү һәркем өчен кирәк!

«Яхшылык кыл!» акциясе барышында, мәктәпнең 5 нче сыйныф укучылары “Һәр көн изгелек кыл!” дигән тема астында атна буена  игелекле  гамәлләр  кылырга, изге  эшләр  башкарырга,кешеләргә  миһербанлы, шәфкатьле  булырга йөкләмә алдылар. Изге  эшләргә  һәрчак   урын  бар. Алар, атнаның соңгы көнендә сыйныф җитәкчеләре Сания Ильяс кызы белән, үз куллары белән ясаган шкатулканы инвалид Файзрахманов Алмазга бүләк итеп, хәлен белеп кайттылар.

Барыбыз да яхшылыкка мохтаҗ,

Бу заманда бигрәк.

Яхшылыкны эшләү җиңел түгел,

Ә эшләргә кирәк!  

«Көзге яхшылык атнасы - изге эшләр эстафетасы» акциясенә башлангыч сыйныф укучылары да теләп кушылды. Дәресләрдән соң мәктәп бакчасында кишер алуда булыштылар.

«Көзге яхшылык атнасы - изге эшләр эстафетасы»  кысасында  укучылар мәктәп территориясенә агач утырттылар.