Китапханәче Фәезова Э.М. “ 21 февраль –Халыкара туган тел көне” уңаеннан башлангыч сыйныф укучыларына, “Туган телләр була бер генә- Туган телнең кадерен бел генә” дип исемләнгән тәрбия сәгате үткәрде.

Таттелеком элемтә бүлеге җитәкчесе, язучылар советы члены, Х.Такташ премиясе лауреаты, язучы Рөстәм Зәкуан җитәкчелегендә бертөркем кунаклар Субаш мәктәбендә булды. Зур бүләк итеп Тукай оныкларын алып килгәннәр иде. Очрашу укучылар күңелендә озак сакланыр.

Мәктәп әти-әниләр белән тыгыз элемтэдэ яши. Алар тудырган могҗиза балаларында да кызыксыну уята.

Субаш мәктәбе базасында “Бергә булсак барысын да булдырырбыз” дигән чара профсоюз лидерлары, тәрбия буенча директор урынбасарлары һәм яшь укытучылар катнашында үтте. Квест, ачык дәресләр, тренинглар катнашучылар өчен бик файдалы булды. Дебрифинг өлешендә районнын төзелеш һәм архитектура бүлеге җитәкчесе Илфат Нурулла улы укытучыларда туган сорауларга ачыклык кертте. Район мәгариф бүлеге методистлары Гаязова Р.С., Петрова Г.Н. педагогларга бурычлар куеп, әлеге очрашуны йомгакладылар.

15 февраль көнне өстәмә белем бирү педагогы Хөснетдинов Азат Альбертович Балтач гимназиясендә үткән "Иң яхшы өстәмә белем бирү педагогы-2016" конкурсының муниципаль этабында бик яхшы әзерлекле,мәгънәле дәрес күрсәтте, профессиональ кредо яклады.

Кичә традициягә әйләнгән зур күләмле спорт чарасы - "Россия чаңгы юллары" узды. Әлеге ярышта барлык мәктәп укучыларына, укытучыларына, хезмәткәрләренә һәм килгән кунакларга старт бирелде. Ярышлар беткәч барлык спорт сөючеләр коймак һәм чәй белән сыйланды.