“Куркынычсызлык  кагыйдәләрен искә төшерү көне” үткәрелде. Балаларга  җәйге каникул чорларында елгада су коенганда, кырларда, урамнарда төрле транспорт чараларында булганда  үзеңне ничек сакларга, ничек беренче ярдәм күрсәтергә икәнен бик яхшылап аңлатылды.  

Мәктәптә җәйге  инструктаж буенча полиция вәкилләре белән очрашу булды. 

25нче май көнне 9нчы сыйныфлар катнашында  “Соңгы кыңгырау” бәйрәме үткәрелде. Бәйрәмгә укучыларның беренче укытучылары, фән укытучылары, әти-әниләре чакырулы иде.

Тыл ветераннары белән утырткан агачлар яфрак ярды. Яшеллеккә күмелгән аланлыкка һәркем шатланып, сокланып үтә.

8 май көнне Югары Субаш һәм Каенсар авылларында урнашкан һәйкәл янында Бөек Ватан сугышында җиңүнең 71 еллыгына багышланган митинг булды. Митингка мәктәбебез коллективы кулларына шарлар, чәчәкләр, флаглар һәм Бөек Ватан сугышында катнашучыларның портретларын тотып парад белән килделәр. Сугышта һәлак булганнарны 1 минутлык тынлык белән искә алдык һәм алар хөрмәтенә чәчәкләр куелды.

8 май көнне "Үлемсез полк" акциясында катнаштык. Укытучылар һәм мәктәп укучылары митингка сугышта һәлак булган туганнары, авылдашлары фотоларын күтәреп чыкты. Әлеге акциянең максаты – яшьләрне үз гаиләләре тарихын өйрәнүгә тарту, традицияләрне дәвам итү, аларны патриотик рухта тәрбияләү.

7 май Субаш мәдәният йортында 2015-2016нчы уку елына йомгак ясап, мәктәб укучылары тарафыннан әти-әниләр өчен “Җырлап яшик туган җирдә” иҗат концерты үткәрелде. Тамашачылар тарафыннан һәрбер чыгыш җылы кабул ителде, көчле алкышларга күмелде. 

Бөек Җиңүнең 71 еллыгы уңаеннан мәктәптә тәрбия чаралары  күп уза. Шуларның берсе "71 чакрым" акциясе узды. Әлеге акция кысасында мәктәбебез укучылары барысы бергә 71 чакрым ара узды.