Инглиз теле атналыгы

Инглиз атналыгы кысаларында мәктәптә күп төрле чаралар үтте. Инглиз теле укытучылары Кәримова Ч.З. һәм Гарифуллина Л.В. лар мавыктыргыч һәм кызыклы чаралар үткәрделәр.Укучылар актив катнаштылар. 

Имтиханнарга әзерләнәбез

9 сыйныф укучыларын ОГЭга әзерләү максатыннан мәктәптә математикадан сынап карау имтиханы уздырылды.

“Хокук белгечләре” конкурсы

Мәктәп командасы район күләмендә үткәрелгән “Хокук белгечләре” конкурсында катнашып, уңышлы чыгыш ясады һәм диплом белән бүләкләнде.

Бөек Җиңүнең 70 еллыгын каршылап

Мәктәптә Бөек Җиңүнең 70 еллыгын каршылау буенча план нигезендә төрле чаралар үтә. Ветераннарга багышланган стенд янында башлангыч сыйныф укытучылары укучыларга авылыбыз каһарманнары турында сөйләделәр.

Чыршы бәйрәме

Югары сыйныф укучыларының “Яңа ел” бәйрәме үтте. Укучылар бу бәйрәмгә ныклап әзерләнгәннәр. Матур чыгышлар күрсәтеп, алар һәркемне сокландырды.

Кыш бабай бүләк өләшә

Мәктәпкә бәйрәмнәр алдыннан Кыш бабай белән Кар кызы килделәр. Алар укучыларга яңа ел бүләге өләштеләр. Ә укучылар аларга үзләренең һөнәрләрен күрсәттеләр.

Чисталык дәресе

Биология һәм химия укытучысы Рамазанова Г.Г. “Чисталык дәресе” үткәрде. Әлеге дәрестә табигатькә сакчыл караш турында сөйләштеләр, укучыларга экологик тәрбия бирелде. 

Котлыйбыз!

VIII сыйныф укучысы Гыйльманов Илфат технология фәне буенча муниципаль этапта җиңүче булды. Аны бу уңышы белән котлыйбыз. Әфәрин, Илфат!

Татар әдәбияты буенча муниципаль этапта да уңышларыбыз бар. Корбангалиева Әлфинә (10 сыйныф) – җиңүче, Хайруллина Илүзә (7 сыйныф) һәм Шәфигуллин Фаил (8 сыйныф) – призерлар. Киләчәктә дә уңышлар телибез сезгә!

“Милли тавыш – 2014”

Район күләмендә үткәрелгән “Милли тавыш – 2014” проектында VIII сыйныф укучысы Гыйльманов Илфат конферансье номинациясендә чыгыш ясап, “Тамашачы симпатиясе призы” на ия булды һәм диплом белән бүләкләнде. 

Яңа елга әзерлек

Мәктәптә Яңа ел бәйрәменә әзерлекләр бара. Укучылар тырышып кардан сыннар ясыйлар, мәктәпне бәйрәмгә әзерлиләр һәм матур җыр-биюләр өйрәнәләр.