9 нчы сыйныф укучылары Мөхәрләмов Илгизәр һәм Фатыйхов Динар Республика күләмендә үткәрелгән кул көрәше ярышында I урынны яуладылар.

Корбан бәйрәме уӊаеннан авылыбызныӊ абыстае, ветераннар советы әгъзасы Гадения апа Зарипова, укучылар белән очрашып, изге үгет-нәсыйхәтләрен җиткерде.

Технология һәм сынлы сәнгать атналыгына йомгак ясалды.

Тарих һәм җәмгыять белеме укытучылары Мухаметзянова Сөмбел Мухамедовна, 5 – 8 нче, ә Накипов Айдар Рафаэлевич 9 – 11 нче сыйныфлар өчен парламент дәресләре үткәрделәр. Укучылар әлеге дәресләрдән бик канәгать калдылар, кызыксынган сорауларына җавап таптылар.

Тарих һәм җәмгыять белеме укытучысы Накипов Айдар Рафаэлевич башлангыч сыйныфлар өчен парламент дәресе үткәрде.

Укучыларныӊ яшелчә, җиләк-җимеш һәм табигый материаллардан ясалган кул эшләреннән «Көзге манзара» дип исемләнгән күргәзмә оештырылды.

Медиатека бүлеген карагыз

Кышка әзерләнү максатыннан мәктәп яны корган агач ботакларыннан, коелган яфраклардан арындырылды.

Бүген кич мәктәбебездә үткәрелгән гаилә бәйрәменнән әти – әниләр, укытучылар һәм килгән кунаклар бик канәгать калдылар. ФАП җитәкчесе Зиатдинова Л.С. чыгышыннан соӊ, «Әти-әни һәм мин – тату гаилә» конкурсында 13 гаилә төрле яктан сәләтләрен күрсәттеләр. «Иӊ иҗади гаилә», «Сәнгатькә гашыйк гаилә», «Иӊ өлгер гаилә», «Спорт сөюче гаилә», «Иӊ серле гаилә», «Күӊелле гаилә», «Бердәм гаилә», «Иӊ тәмле телле гаилә», «Иӊ өлкән гаилә» номинацияләрендә җиӊүче гаиләләр билгеләнде.

Күңелле мизгелләрне медиатека бүлегеннән карый аласыз.

Бүген 5 нче сыйныфлар «Көзге балл» кичәсе үткәрделәр. Кичә җыр – биюләр, көз турында әйтемнәр, мәкальләр, табышмаклар әйтү белән үрелеп барды.

Бүген мәктәбебездә ярминкә үткәрелде. Ярминкә укучыларыбыз алып килгән төрледән-төрле салатларга, җиләк – җимеш, яшелчәләргә, татлы сыйларга бай булды.