Лицеебызда «Дуслык» балалар оешмасы эшләп килә. Бүген оешмага яӊа лидер сайлаулары үткәрелде. Сайлауларда 9 нчы сыйныф укучысы Якупов Рәдис җиӊүче дип табылды.

Лицейда Сингапур уку-укыту алымнарын кертү киӊ колач ала. Бүген бездә «Үзе сөйләүче стеналар» гамәлдә.

«Дуслык» балалар оешмасы төрле акцияләрдә бик теләп катнаша. Тәрбиячеләр көне уӊаеннан «Тәрбиячеӊне котла» кысаларында укучылар Салавыч балалар бакчасында үзләренеӊ тәрбиячеләрен бәйрәм белән котладылар. 

Лицейда «Экстремизмга – юк!» айлыгы уӊаеннан күп кенә чаралар үткәрелә. Бүген айлыкныӊ чираттагы чарасы буларак укучыларга «Древо мира» һәм «Взбесившийся автобус» фильмнары күрсәтелде.

Бүген лицей укучыларыныӊ үзидарә җыелышы узды. Җыелышта узган 2013-2014 нче уку елында клублар эшчәнлегенә анализ ясалды. Агымдагы елга максат бурычлар билгеләнде.

Лицейныӊ тәҗрибә бакчасында ел саен ашханәдә туклануыбыз өчен яшелчәләр үстерәбез. Быелгы көздә дә кишер һәм чөгендердән мул уӊыш җыеп алдык.

Лицейда сәламәт яшәү рәвеше пропагандасы дәвам итә. Укучылар һәр иртәдә бердәм рәвештә иртәнге гимнастикага тезеләләр.

Фән олимпиадаларыныӊ мәктәп этабы башланып китте. Бүген укучыларыбыз биология фәненнән үз көчләрен сынап карадылар.

Бүген лицейда Россия күләмендә үткәрелүче «Милләтләр кроссы» узды. Лицейда һәм филиалларда укучылар, укытучылар, техник хезмәткәрләр бердәм рәвештә йөгерешкә старт алдылар.

16 нчы сентябрьдә лицейда экологик белем бирү акцияләре кысасында «Чисталык дәресләре» узды. Укучылар белән экологик проблемалар турында сыйныф сәгатьләре үткәрелде, мәктәп яны чистартылды, «Гарифә» чишмәләренә, Шушма елгасына экскурсияләр оештырылды, чишмәләр чистартылды.