Башлангыч сыйныфларның атналыгы башланды. Бүген "Тылсымлы сүзләр иленә сәяхәт" исемле класстан тыш чарасы үтте.

1989 елда БМО тарафыннан "Бала хокуклары турында" конвенция кабул ителә. Шушы уңайдан 1-9 нчы класс балалары өчен бердәм дәрес уздырылды.

Ноябрь айлыгы “Хокук айлыгы” булып билгеләнелә. Шул нисбәттән мәктәптә “Хокук бозуларны булдырмау максатыннан халык педагогикасы аша бала шәхесен тәрбияләү” темасына ата-аналар җыелышы булып узды. Җыелышта полиция хезмәткәре Сагтдинов Эльдар Гадилович, мәгариф бүлеге башлыгы урынбасары Сөләйманов Айрат Габделмаратович катнаштылар. Тәрбия буенча директор урынбасары Зәкиева Ләйсән Инзилевна  “Ата-аналар җаваплы” темасына чыгыш ясады. Мәктәп директоры Ахатов Раниф Рифатович  1 чирек нәтиҗәләре , ашау менюсы һәм бәяләр, эчке тәртип кагыйдәләре белән таныштырды. Җыелыш аерым классларда дәвам ителде. 8-9нчы сыйныфларда ОГЭ мәсьәләләре күтәрелде.

Полиция хезмәткәрләре Шакирова Ләйсән Маратовна һәм Сагтдинов Эльдар Гадилович  балалар белән профилактик әңгәмә уздырдылар. Алар балаларны мәктәп кагыйдәләрен, юл йөрү кагыйдәләрен  бозу очрагында, кичке 22.00 дән соң олыларсыз урамда йөргәндә нинди җаваплылыкка тартылачакларын искәрттеләр.

Бүген мәктәптә педсовет утырышы узды. Җыелышта чирек нәтиҗәләре, ШМО җитәкчеләренең анализлары тыңланды.

Бүген һәм иртәгә инглиз теленнән олимпиада узачак. Уңышлар сезгә, балалар!

"Бердәмлек" балалар оешмасы атна нәтиҗәләре буенча җыелыш уздырды. Утырышны оешманың президенты Тагирова Лилия алып барды.

Мәктәптә тормыш гөрләп тора! Балаларның шат, алсу төс йөгергән битләрен күргәч, үзең дә елмаеп куясың. Икенче озын тәнәфестә кем нәрсә белән мәшгуль: кемнәрдер тырышып волейбол уйный, кемдер өстәл теннисында үзен сыната, кемдер исә җанатар булып утыра. 

Бүген 7-9нчы сыйныф укучылары  рус әдәбиятыннан олимпиаданың муниципаль турына бардылар. Олимпиада Балтачта үтте.

Бөтенроссия мәктәп олимпиадасының муниципаль этабы башланды. Бүген балалар рус теленнән катнашырга киттеләр. Уңышлар, укучылар!