17 нче ноябрь көнне районкүләм көрәш ярышында Галимуллин Әлфис һәм Мурадымов Адел җиңү яулады. Шулай ук шушы көнне Смәел урта мәктәбендә булып үткән конференциядә Шәрипова Фәйрүзә һәм Корбанова Чулпан актив катнашып, дипломнарга лаек булдылар. Корбанова Зифаны шахмат ярышында яулаган яңа җиңүе белән дә котлыйбыз!

18 нче ноябрь көнне Бөрбаш җирлегендә үзара салым акчасын җыю мәсьәләсенә кагылышлы референдум булып узды. Биредә 18 яше тулган барлык гражданнар да катнашты. 

17нче ноябрь көнне башлангыч сыйныф укучылары районыбыздагы “Дулкын” бассейнына йөзәргә өйрәнү дәресләренә бардылар. Укучылар биредә йөзү техникасын үзләштерделәр. Алар бассейнны бик ошатып кайттылар.

16 нчы ноябрь көнне 10 нчы һәм 11 нче сыйныф укучылары Балтач мәдәният йортында Казан дәүләт ветеринария академиясе һәм Казан дәүләт авыл хуҗалыгы университетыннан килгән вәкилләр белән очрашуда булды. Биредә чыгарылыш сыйныф укучыларына һәнәр сайларга юнәлеш бирүче әңгәмәләр алып барылды. Ике уку йортына кагылышлы видеофильмнар каралды. Авылдашыбыз Азат Әхиярович Казан дәүләт авыл хуҗалгы универсетиты турында сөйләде, биредәге шартлар, имтиханнар, юнәлешләр турында тулы күзаллау булдырырга ярдәм итте. Шулай ук студентлар чыгышы да укучылар күңеленә хуш килде.Тулай торак, күңелле студент тормышының онытылмас мизгелләре хакында сөйләү, әлеге уку йортларындагы һөнәрләрнең бүгенге көндә аеруча кирәклеген аңлату тыңлаучыларны аеруча җанландырырга этәргеч булды. 

14 нче ноябрь конне инглиз теле укытучысы Мөхетдинова Гөлнур Илнуровна Казан шәһәренкең икенче интернат-лицеенда узган Республикакүләм яшь укытучылар семинарында катнашып кайтты.

16 нчы ноябрь көнне өлкәннәрнең һәм балаларның яраткан шагыйре Шәүкәт Галиевнең тормыш юлы һәм иҗатына багышланган әдәби-музыкаль-кичә үткәрелде. Кичәдә бишенче сыйныф укучылары шагыйрьнең балалар өчен язылган шаян шигырьләрен яттан сөйләделәр, җырларын башкардылар. Укучылар сөйләгән һәр шигырь тыңлаучыларга тәрбия дә бирде. Кичә бик файдалы булды.

Сегодня в Международном выставочном центре «Казань Экспо» состоялась церемония открытия Регионального чемпионата профессионального мастерства по стандартам WorldSkills «Молодые профессионалы». Старт состязаниям дал исполнительный директор WorldSkills International Дэвид Хоуи.

«WorldSkills International — это организация, которая объединяет все уголки мира, в которых каждый месяц проходят национальные и региональные чемпионаты по профессиональному мастерству. Следующий год будет поистине уникальным и особенным для всех нас, потому что мировой чемпионат пройдет на вашей земле, в России — в чемпионате примут участие более 60 стран, 1600 участников , более 50 компетенций будет представлено, — подчеркнул руководитель международного движения. — Я бы хотел выразить благодарность руководству Казани, Татарстана, этого объекта. Это объект мирового уровня, мы очень рады, что наш чемпионат пройдет в его стенах».
 

12 нче ноябрь көнне 11 нче сыйныф укучылары рус теленнән йомгаклау иншасының сынау имтиханын бирделәр

12 нче ноябрь көнне укытучыларның педагогик киңәшмәсе булып узды. Биредә 1 нче чирек нәтиҗәләренә анализ ясалды, беренче һәм бишенче сыйныф укучыларының адаптация чорына нәтиҗәләр ясалды.

9 нчы ноябрь көнне Бөрбаш авылында 5-8 нче сыйныф укучылары өчен төзелгән тәрбия үзәге ачылу тантанасы булып үтте. Бу чарада Республика һәм районыбыздан төрле күренекле дин әһелләре, район администрациясе әгъзалары да катнашты. Мәктәбебез укучылары һәм укытучылары да бу чарада актив катнаштылар