Гаилә елына һәм спорт айлыгына старт бирелде - бүген мәктәп күләмендә гаиләләр катнашында "Кышкы кросс" үткәрелде. Кросска һәр укучы әти-әнисен, туганнарын, әбиләрен алып килгән иде.

"Маяк" җәмгыяте призына үткәрелгән көрәш бәйгесендәге призлы урыннар - көрәшче егетләребезнең чираттагы җиңүләре.

9 нчы сыйныф укучыларының әти-әниләре өчен махсус җыелышта ОГЭ турында сөйләшеп кенә калмадылар, ә бергәләшеп биремнәрне чишеп тә карадылар. Һәр фән укытучысы әниләрнең сорауларына җавап бирде.

Башлангыч сыйныф укучылары өчен юл йөрү кагыйдәләрен өйрәнү буенча ачык чара үткәрелде. Махсус кунаклары ГИБДДның Балтач бүлеге җитәкчесе Хадиева Л.М., Гөлсем белән Гүзәлнең әтиләре - полиция хезмәткәре Гарипов Р.Р. булган чараны башлангыч сыйныф укытучысы Шәйхиева Г.С. оештырды. Лилия Мөхәммәт кызы укучыларны юл һәлакәтләренең статистикасы белән таныштырды, яктылык кайтаргыч элементларның кирәклеге турында да сөйләде.

"Шатлык" бию төркеме Йолдызлык фестиваленең зона этабында катнашты.

Арбор мәктәбе волонтерлары СВО да катнашучы авылдашларыбызның якыннарына һәр вакыт ярдәм итә. Бүген Нурия һәм Дилә апаларның карларын көрәдек.

7 нче сыйныф укучысы Мифтахов Әнәс физика фәне буенча "Олимпка юл" республика олимпиадасы призеры булды! Афәрин, Әнәс!

Хәрби бурычын үтәгәндә һәлак булган авылдашларыбыз һәрвакыт безнең хәтердә. Мәктәпнең волонтерлары бүген Рәхмәтуллин Шамилнең әти-әнисе янына булып, аларның истәлекләрен тыңлады. Музей өчен материаллар туплады.
#ПервыеБалтаси
#ДвижениеПервых
#движениерт

Канатлы дусларыбызны сыйларга онытмыйбыз, диләр безнең беренче сыйныф укучылары
#ОрлятаРоссии
#Орлятабалтаси

Укучылар активы 31 декабрь - бәйрәм көнне дә эшләүче авылдашларыбызны - сыер савучы-терлек караучыларны, медпунктта, кибеттә һ.б. эшләүчеләрне Яңа ел бәйрәме белән котлады.