6 нчы июнь көнне сәг 5 тә Арбор авылында Сабантуе гөрләп узды.

"Кояшкай" мәктәп яны лагерында балалар файдалы эшләр белән шөгылләнәләр: газеталар чыгаралар, кулдан төрле уенчыклар, чәчәкләр ясыйлар.

Бүген "Дуслык учагы" бәйрәменә килүче Мари-Эл республикасы делегациясен каршыладык.

Кыңгырау, соңгы кыңгырау,

Олы юл көтә мең сынау.

Сау бул, хуш, кадерле мәктәбем,

Сиңа миннән мең-мең рәхмәтем.

Бүген 9 нчы сыйныфлар өчен туган мәктәпләрендә кыңгырау соңгы мәртәбә чыңлады.

 Норма профлицееннан һәм Үрнәк техникумыннан килүчеләр укучылар белән очрашу үткәрделәр, үзләренә укырга чакырдылар.

Урман Сабантуе - мәктәптә традиция буенча узучы бәйрәмнәрнең иң күңеллесе. Саф һавада, матур табигать кочагында ял итү, уйнау, ярышларда катнашу, чәй эчү, бәрәңге ашау -  истә калучы мизгелләр - укучыларга бик ошады. 

Арча районында  Миннебаев призына уздырылган көрәш буенча ярышта 8 нче сыйныф укучысы Кәбиров Фәнис -1, 6 нчы сыйныфтан - Гыйльметдинов Алмаз - 3 нче призлы урыннарны яуладылар.

4 нче сыйныф укучысы Галләмов Алмаз рус теле буенча олимпиадада яхшы нәтиҗәләр күрсәткәне өчен район мәгариф идарәсе тарафыннан бүләкләнде. Укытучысы: Гайфуллина Э.Г.

8  нче май көнне Бөек Җиңүнең 69 еллыгына багышланган митингта укучыларыбыз өлкәннәрне хөрмәтләде - матур чыгышлары белән аларны сөендерде. 

Җиңү көненә багышлап профотряд оешмасы укучыларга бик мәгънәле, эчтәлекле чыгышлар тәкъдим итте.