Кадерле укучылар, укытучылар, әти-әниләр! Сезнең барыгызны да Яңа ел бәйрәме белән котлыйбыз. Яңа еллар сәламәтлек, ак бәхетләр, зур уңышлар алып килсен. 

Яңа еллар килә!

Кәҗә-сарык елы.

Көннәребез булсын

Шатлыкларга тулы.

Бәйрәм белән!

Мәктәп тирәсен матурладык - кардан сыннар ясадык.

Яңа ел бәйрәмнәре күңелле үтсен дисәк, петардалар, төрле шартлый торган уенчыклар белән уйнамаска, ясалган кар сыннарын ватмаска, тәртип бозмаска, соңга калып йөрмәскә! Участок инспекторы Эдуард Фәйзрахманов, балиг булмаган балалар белән эшләү инспекторы Ләйсән Маратовна килеп укучылар белән шушы темаларга сөйләшү үткәрделәр.

Яңа елга әзерләнәбез - газеталар чыгардык.

Мәктәптә бәйрәм рухы сизелә башлады: укучылар кабинетларын бизиләр, тәнәфесләрдә җыр җырлап әйләнәләр, биюләр өйрәнәләр.

Узган атна нәтиҗәләре буенча 3 сыйныфлар - иң яхшы укучы сыйныф, ә шушы сыйныфта укучы Кәбирова Зилия - иң күп бишле алучы булып танылдылар.

Беренче Чечня сугышы башлануга 20 ел тулу уңаеннан районнан килгән вәкилләр, укучылар зиратта булдылар,  һәлак булган авылдашыбыз Хәкимов Заһирның каберенә чәчәкләр, венок  куйдылар.

9 декабрь - Батырлар көне уңаеннан тарих һәм җәмгыять белеме укытучысы Гайфуллин Г.Г. укучыларга "Батырлар безнең тирәдә" дип аталган тәрбия сәгате уздырды. 

Мәктәпкә очрашуга Чечен сугышында катнашкан орденлы  авылдашыбыз Сабитов Марат Нурмөхәммәт улы килде. Укучыларга  сугышта катнашкан 3 полкның берсенең юкка чыгуын әйткән вакытта, батырның күзләренә яшьләр килде. Марат абыйга алдагы тормышында бары тик тынычлык, бәхет-шатлыклар гына телибез.

Математикадан олимпиаданың район этабында призер булган Язгөлне чын күңелдән  белән котлыйбыз, алга таба да уңышлар телибез.