"Марш парков - 2015" бәйгесе нәтиҗәләре буенча  4 нче сыйныф укучылары Ризәлә шигырь иҗат итеп 2 урынга, Язгөл фотографияләр номинациясендә  3 нче урынга лаек булдылар.

24 нче апрель көнне Җиңүнең 70 еллыгына багышлап 1-5 сыйныфлар арасында мәктәп беренчелегенә көрәш бәйгесе үткәрелде. Бәйгенең оештыручысы һәм спонсоры - Гобәйдуллин Д.Д.  Бу ярыш  малайлар күңелендә  тәүге медальгә ия булулары белән аеруча истә калыр.

Телләр декадасы кысаларында 5 нче сыйныфлар "Тамчы-шоу"да катнаштылар. Бәйге Габдулла Тукай иҗаты буенча 5 нчеләрнең белемле булуларын күрсәтте. Чараны татар теле һәм әдәбияты укытучысы Габделхакова Р.Г. оештырды.

Тыл ветераннары белән очрашуда авылыбызның хөрмәтле кешесе - Рәфизия әби үзенең истәлекләре белән уртаклашты.  

Мәктәбебездә Бөек Җиңүнең 70 еллыгы уңаеннан авылыбызның иң хөрмәтле кешеләре - тыл ветераннары белән очрашу кичәсе оештырылды. Очрашуда укытучылар "Кырык бернең арбалы хатыннары" әсәреннән өзек күрсәттеләр.

Кичә 4 нче сыйныф укучылары рус теленнән мониторинг үттеләр, үзләренең нинди белемгә ия булуларын билгеләделәр.

ГТО нормаларының  алга иелү  этабын тапшыру бара. 

Укучыларыбызның уку буенча алдынгы булуларын һәрвакыт шатланып кабул итәбез, тырыш, акыллы, белемле балалар булуына сөенәбез. Шундый укучыларыбызның иң-иңе булган  7 нче сыйныф укучысы Гарипова Гөлсөя район олимпиадаларындагы уңышлары өчен район мәгариф идарәсенең Рәхмәт хаты белән бүләкләнде. Гөлсөянең алдагы елларда да тырышып укуын, сәламәт булуын теләп калабыз.

Бөек Җиңү көненә багышлап укучыларыбыз төрле чараларда катнашалар. 7 нче сыйныф укучысы Гарипова Гөлсөя "Яшь программист" конкурсының район этабында Җиңүгә багышланган "Компьютер презентациясе" номинациясендә призер булды. Афәрин, Гөлсөя!

В рамках декады родного языка проводилось внеклассное мероприятие для 6-7 классов "Красота человеческая".