Туган көн күңелле бәйрәм. "Ак калач" уены уйнаганнан соң, Исламныңа тәртипле, акыллы бала булып үсүен теләп колагын тарттык.

Юл билгеләрен истә калдырганда " Юл билгеләре" лото уенын балалар бик теләп уйныйлар. Уен балаларга уңай нәтиҗә бирә,билгеләрне тизерәк хәтерләрендә калдыралар.

Балалар белән элек- электән яратып уйналына торган " Кәрия-Зәкәрия" уены әле дә балаларның яраткан уеннарының берсе булып тора. Уен барышында балалр бергә уйнарга, бер-берсенә юлкуярга, хөрмәт итәргә өйрәнәләр.

Балалар белән " Танып белү-сөйләм үстерү" эшчәнлеге барышында "Кошлар килгән җимлеккә" рәсемен карауны оештырдык. Рәсем караганда балаларда, рәсемнең эчтәлеге буенча бирелгән сорауларга дөрес, ашыкмыйча, башкалар аңларлык итеп җавап бирү күнекмәләрен үстерү, рәсемгә карап хикәя төзеп сөйләргә өйрәнүне камилләштерүне дәвам иттек. Балаларда кошларга сакчыл караш тәрбияләү, ярдәм итәргә теләк тудыру өстендә эшләдек.

Бакчабызда балалар көнне ,физкультура ясап, башлап җибәрәләр. 

Барыбыз да яратабыз 

Физкультура ясарга.

Бер уңга бөгелергә,

Бер сулга бөгелергә.

Аннан марш атларга,

Физкультура ясарга!

Без бит -төзүчеләр,

Шакмактан төзибез йортлар.

Без төзегән йортларда ,

Балкып яналар утлар.

Салкын кыш килде, 

Ак карлар яуды.

Буран уйнады,

Таулар ясалды.

Балалар белән кыргый хайваннар,аларның тышкы билгеләре,үзенчәлекләре һәм файдалары турында сөйләшү.Кыргый хайваннарга карата кызыксыну һәм сакчыл караш тәрбияләү.

Менә шулай уйныйбыз без,

Дусларым белән бергә.

Бакчада дуслык булганда,

Күңелсез түгел бер дә.

Сөйләм үстерү эшчәнлеге барышында "Салкын кыш" темасына багышланган башваткыч уенына китапханәче Фәридә апабыз килгәч уен тагын да күңелле булды.Балалар "Кыш" турында шигырләрен, җырларны,әкиятләрне, мәкальләрне искә төшерделәр.Кыш турында белемнәрен ныгыттылар.