11 март  көнне  без :балалар бакчасының зурлар төркеменә йөрүче балалар  һәм мәктәп укучылыры «Иң яхшыларын укырга вакыт: А.Алиш исемендәге премия лауреатлары китапларын укыйбыз» республика акциясендә катнаштык.  Балалар бакчасында тәрбияләнүчеләр һәм мәктәптә укучы балалар өчен премия лауреатлары белән әдәби танышу уздырылды. Китапханәче Миңнуллина Фәрдия Фарук кызы балаларны танылган татар язучысы А. Алишның тормыш юлы һәм иҗаты белән таныштырды. А. Алиш шигырьләр, очерклар, хикәяләр, пьесалар язган, ләкин ул татар әдәбиятының алтын фондына кергән әкиятләре белән аеруча танылган. Балалар аның әкиятләрен кызыксынып тыңладылар. Тыңлаганнан соң әкиятләр турында фикер алышуда актив катнаштылар. Кечкенә дусларыбызны китапханәчеләр кыскача гына А. Алиш исемендәге премия лауреатларының тормышы һәм иҗаты белән таныштырдылар. Балалар әдәбиятын үстерүдәге хезмәтләре өчен язучыларны һәм иҗат коллективларын бүләкләү максатынннан Татарстан язучылар берлеге карары белән 1996 елда Абдулла Алиш исемендәге премия булдырыла. Беренче лауреатлар - танылган язучыларыбыз Шәүкәт Галиев һәм Ләбибә Ихсанова. Төрле елларда Рафис Корбан, Рөстәм Мингалимов, Нәкыйп Каштанов, Фәнис Яруллин, Ләбиб Лерон, Роза Хафизова, Роберт Миңнуллин, Дания Гайнетдинова һ.б. әлеге бүләккә ия булалар. Чара ахырында балаларга Абдулла Алиш исемендәге премия лауреатлары: Ш. Галиев, Р. Корбан, Л. Сабирова, А. Гыймадиев, Р. Миңнуллин, Р. Хафизова һәм башка бик күпләрнең китаплары белән танышырга тәкъдим ителде.

Кояш көлә, мин елмаям,

8 март бүген.

Бүген әниләр бәйрәме,

Шуңа күңелем шат минем.

Кайсын юам, кайсын җыям,

Чиста булсын, ак булсын.

Әниләрнең күңеледәй,

Бөтен нәрсә пакъ булсын.

Бәйрәм бүген, бәйрәм диеп,

Бар дөнья көлеп торсын.

Әни бәйрәме икәнен

Әти дә белеп торсын,

Әти дә көлеп торсын

Әнкәй, сиңа бүләк итәм

Бөтен дөнья гөлләрен.

Юллар кебек озын булсын,

Әнкәем, гомерләрең.

Бүген беренче март, язның беренче көне! Карлы – буранлы, салкын кыштан соң туган ягыбызга ямьле яз килә.

Кояш та көннән-көн ныграк елмая, күзен кысып карый башлар. Өй кыекларыннан тамчылар тамар, кар өстеннән гөрләвекләр биешер. Тиздән карлар да эреп бетәр, җылы яктан кошлар кайтырлар. Яз килүен һәммәбез шатланып, зур өметләр белән көтә. Хәерле язлар килсен җиребезгә!

 Янгын чыгу куркынычы булган предметлар, янгын куркынычсызлыгы таләпләре турында белемнәрне ныгыту. Дисциплина, җаваплылык, мөстәкыйльлек формалаштыру.

23 февраль — Ватанны саклаучылар коне – батырлык, намус hәм кыюлык көне белән ихластан котлыйбыз сезне.
Бүгенге бәйрәм көчле рухлылык, ир-егетлəрнең кыюлык, намус һəм абруй шикелле сыйфатларга ия булуларын тагын бер кат раслый торган тантана. Туган илгә һəм үз халкыңа хезмəт итү ул, туган илен чын күңелдән сөюче гражданнарның һәрчак иң югары максаты булды һəм шулай ук булып калса иде. Хəрби хезмəткəрлəрнең бүгенге көндәге буыны һəм Ватанны саклаучылар сафын тулыландырырга əзерлəнүчелəр, илебезнең иминлеге, туганнары һəм якыннарының гомере өчен җаваплылык хисен онытмасыннар иде.

Сезгә һәм якыннарыгызга тыныч күк йөзе, ныклы сәламәтлек, бәхет-шатлык, рухи һәм матди байлык, һәр эшегездә бары тик уңышлар гына телибез. Мөбәрак булсын бүгенге матур бәйрәмегез!!!

1. Туган тел-иң татлы тел,

Туган тел-иң тәмле тел.

Тәмле диеп, телең йотма-

Туган телне онытма!

Туган телемдә сөйләшеп

Яшим мин туган илдә.

“Туган ил”дигән сүзне дә

Әйтәм мин туган тел

Иң изге хисләремне мин

Туган телдә аңлатам.

Шуңа күрә туган телне

Хөрмәтлим мин, яратам.

Дөньяда иң-иң матур ил,
Ул – минем туган илем.
Дөньяда иң-иң матур тел,
Ул – минем туган телем.

"Балам!" - диеп туган телдә
Эндәшә миңа әткәм. 
"Әнием!" - дип, әнкәемә
Мин туган телдә әйтәм.

Туган телемдә сөйләшеп,
Яшим мин туган илдә.
“Туган ил” сүзне дә
Әйтәм мин туган телдә.

Кечкенә генә авылымда,

Әфган җирен сакларга .

Биргән бит ике егет,

Әйтерсең алар бөркет  .

Әнкәйләр ничек түзгәндер ,

Бу авыр кайгыларга,

Тыныч илеңнән чыгып кит,

Дошманны юк итәргә.

Эссе җиле биткә бәрә,

Кайнардыр эчкән суы,

Таулы ташлы кыялары

Һаманда төшкә керә.

Әфганчылар! Ике бөркет,

Авылым горурлыгы.

Сездәй үрнәк ,маяк алып,

Үссен егетнең батырлары.

Мактанмыйсыз,масаймыйсыз,

Ышанычлы ,тырыш ,сабыр.

Әфганчы дигән исемегез ,

Киләчәк буынга барыр.