Дөньяда үзенчәлекле бер китап бар. Ул "Гиннес рекордлары китабы" дип атала. Бу китапка дөньяда иң кызыклы, иң үзенчәлекле вакыйгалар теркәлә. Без дә бүген шундый үзенчәлекле вакыйгалар оештырырга тырыштык. Бу китапка һәр бала үзенең үзенчәлекле ягы белән теркәлде:

1.Вафина Рузалия апасыннан озынрак.

2.Иң кечкенә буйлы кыз - Ибатуллина Дилә   һәм башкалар.

Бүген лагерьда "Малайлар көне" үткәрелде.  Малайлар төрле бәйгеләрдә көч сынаштылар. Әдәплелек, үз-үзенне тоту кагыйдәләре белән таныштылар, практик рәвештә үтәп карадылар. Соңыннан малайлар ГТО нормалары тапшырдылар.

   Лагерьда ял итүчеләрне авыл китапханәсе мөдире В.Р.Мустафина үзенә кунакка чакырды. Парклар елы уңаеннан, ул укучыларга паркла, табигатьне саклау, тирә-якны чиста тоту кагыйдәләре белән таныштырды. Викторина сорауларына җаваплар таптырды, кызыклы сораулардан кроссвордлар чиштерде. Укучылар яңа китаплар, журналлар белән таныштылар. Тәрбияче М.М.Галиева шигырьләр, хикәяләр укыды. 

   Буген әкиятләр иленә сәяхәт кылдык. М.М.галиева укучылар өчен төрле әкиятләрдән өзекләр укыды. Укучылар өчен "Табышмак" уены оештырылды. Төрле әкият геройларын укучылар бик теләп укылган әсәрләр буенча эзләделәр. Соңыннан "Серле әкият" темасына рәсем конкурсы оештырылды.

   13 июнь көнне авыл уртасына салынган һәйкәл янында булдык. Һәйкәл янындагы чәчәкләргә су сиптек, чүпләрдән арындырдык. Моңаеп басып тордык, безнең өчен һәлак булганнар истәлеген 1 минутлык тынлык белән искә алдык.

Бүген Россия көне уңаеннан "Ватан тарихы ни сөйли?" исемле мероприятие үткәрелде. Дәүләт символлары, истәлекле даталарны белүгә карата викторина  уздырылды. Россия гимны башкарылды. Көннең икенче яртысында мәктәп музеена экскурсия оештырылды.

   Бүген балалар яратканурыннары -китапханәдз булдылар. Кызыклы яңа китаплар, журналлар белән таныштылар. Өлкән класста укучы балалар кечкенәләргә әкиятләр укыдылар. Соңыннан күңелле мультфильмнар каралды.

   Бүген лагерьга йөрүчеләр дару үләннәре җыйдылар һәм киптерергә куйдылар

8  июнь  Юл йөрү кагыйдәләре көне буларак билгеләп үтелде. Юл йөрү  кагыйдәләрен һәр бала да  белергә тиеш. Иртәнге аштан соң “Юлда йөри беләсеңме? ” темасына  асфальтта  рәсем конкурсы  һәм велисипедта йөрү буенча конкурс та балаларда  кызыксыну уятты. Шулай  ук шашка ярышында  да балалар бик  теләп катнаштылар. Төшке аштан соң “Күңелле  светофор” темасы астында конкурс үткәрелде.