Бу атнада балалар белән "Үз - үзеңне сакла." дигән темага әңгәмә үткәрдек. Ирекле обстановкада балалар әңгәмәдә актив катнаштылар. Балаларга "Сәламәтлек - зур байлык." төшенчәсен аңлату эшен дәвам итәбез.

    "Бу нинди сызыклы ленталар, ни өчен аны монда элгәннәр?",- дип кызыксыналар нәниләр. "Түбәдән кар төшү куркынычы бар",- дип җавап бирә олырак балалар. Кышкы уен вакытында нинди кагыйдәләрне онытмаска кирәклеге турында балалар белән әңгәмә үткәрдек

Балалар бакчада вакытларын файдалы уздыралар, бар нәрсә белән кызыксыналар. Бакча коллективы, балаларның бакча тормышы кызык, файдалы, нәтиҗәле үтсен, белем алуга омтылыш уяту өчен үз көчләрен кызганмыйлар.

Бакчада балаларның сөйләм телен, хәтерен, сәнгатьлеген камилләштерү эше дайми алып барыла. Зур төркем балалары "Өйсез куян"әкиятен сәхнәләштерә

Бакчада "Яңа ел" бәйрәмнәре гөрләп үтте. Бакча тормышында актив катнашкан барлык әти - әниләргә дә "Рәхмәт хатлары" тапшырдык. Бакча коллективы киләчәктә дә әти - әниләр белән аңлашып ярдәмләшеп яшәрбез дип ышана.

Бакча хезмәткәрләре үз көчләре белән рус халык биюе өчен костюмнар текте.

Бәйрәмгә бик ныклап әзерләндек. Яңа җырлар, биюләр, шигырьләр, уеннар өйрәндек. Балалар бик тырыштылар. Кунакка Кыш бабай, Кар кызы, убырлы (әти - әниләр) килгән иде.

Кызыл калфак костюмын әти - әниләр (Галаветдинов Рамил - Тәслимә) балалар бакчасына яңа ел бүләге итеп бирделәр. Костюм  Динәгә бик килешә.

Яңа ел симвалы "Әтәч" не ясауда да балалар үз көчләрен кызганмадылар. Күмәк эшнең нәтиҗәсе барлык әти - әниләргә дә ошады.

Яңа елга әзерләнүдә балалар да актив катнаша. Үз көчләре белән уенчыклар ясап чыршы ылысларын бизәделәр.