Коррупциягә каршы укучылар көче белән плакатлар, буклетлар ясалды.

9 декабрь көнне барлык классларда да коррупциягә каршы класс сәгатьләре үтте.

Геройлар көне уңаеннан мәктәптә класс сәгатьләре, әңгәмәләр үткәрелде. Россия герое, хәзерге вакытта Төмән өлкәсендә яшәүче легендар очучы В.И.Шарпатов белән элемтә урнаштырылды.

Коррупциягә каршы фикерләрен 5-7 нче класс укучылары ясаган рәсемнәре аша чагылдырдылар.

6 нчы декабрь көнне 8 нче класс укучылары (класс җитәкчесе Юнысова Р.К.) "Коррупцияне җиңәргә мөмкинме? дигән тема буенча сөйләшү үткәрделәр.

Тарих һәм җәмгыять белеме дәресләрендә (укытучы Шәфигуллин Н.Ф.) 8-9 нчы класс укучылары коррупциянең киң колач алуы,  аңа каршы көрәш  турында сөйләштеләр.

3-10 декабрь көннәрендә мәктәп күләмендә "Коррупциягә каршы атналык" игълан ителде. "Нәрсә ул коррупция?" темасына 8-9 нчы класс укучылары һәм әти-әниләр өчен анкеталар тутыртылды.

25 нче ноябрь көнне 6 нчы класс укучылары (Класс җитәкчесе Мөхәмәдиева Н.З.) әниләр көне уңаеннан "Ана - бөек исем!" дип аталган кичә уздырдылар. Кичәдә әниләргә багышланган матур җырлар, шигырьләр яңгырады.

25 нче ноябрь көнне мәктәптә әти-әниләр өчен лекторий уздырылды. Ул "Развитие психолого-педагогической службы" темасы астында үтте. Әти-әниләр каршында  Арча район башкарма комитеты җитәкчесенең социаль мәсьәләләр буенча урынбасары Н.Р. Мифтахетдинова, психолог Г.Ф.Самиева, тәрбия эшләре буенча директор урынбасары Н.З.Садриева тәрбия эше, балаларга психологик ярдәм  күрсәтү буенча чыгышлар ясадылар.

21 нче ноябрь көнне 9 нчы класс укучылары һәм аларның әти-әниләре катнашында "Гаилә бәйрәме" үткәрелде. Класс җитәкчесе И.А.Солтанова әти-әниләр белән эчтәлекле әңгәмә корды. Кичә күңелле уеннар, укучылар чыгышы белән үрелеп барды.