11 класс укучылары  һәр сишәмбедә "Биология һәм имтихан" түгәрәгенә бик кызыксынып, яратып йөриләр. Әзерлекләре һәртөрле юнәлештә белем алуга корылган: аерым сораулар да өйрәнелә, мәсьәләләр дә чишелә,төшенчәләр дә ныгытыла, рәсемнәр дә анализлана, БДИ вариантлары да карала. Уңышлар телибез.

Бүген 11 класс укучылары биологиядән "Эволюция" бүлеген гомумиләштерү  темасы буенча ачык  дәрес күрсәттеләр. Укытучылары Рузилә Рафиковна белән  төрле эш формалары аша белемнәрен системалаштырдылар, ныгыттылар. Гомумиләштерү  сәяхәт - дәрес формасында тукталышлар белән барды.Укучыларның һәр тукталышта БДИ сораулары буенча белемнәре  сыналды.

"Арча районында туризм үсешенең торышы һәм үстерү юллары" ( география фәне кысаларында ) дип аталган эзләнү эше белән 11 класс укучылары Нургалиева Алия һәм Рахматуллина Алсу - 8 -11 класс укучыларына чыгыш ясадылар. Кызыксынучан, эзләнүчән укучылардан  үрнәк аласы гына кала. Алга таба да уңышлар телибез.

Биология укытучысы Чулпан Миннуловна 5,7 класс укучылары өчен "Сәламәтлек формуласы" дип аталган әңгәмә үткәрде. Укытучы бик мөһим проблемаларны укучыларга үтемле тел белән презентацияләр аша аңлатты. Укучылар арасындагы авыруларның сәбәпләрен, дөрес туклану кирәклеген җиткерде. Нәтиҗә ясарга матур җирлек бирелде.

Табигать белеме дәресеннән "Җир" бүлеген йомгаклау-дәресен уен дәрес итеп үткәрделәр.Укытучылары Чулпан Миннуловна белән берлектә төп төшенчәләрне матур презентация аша ныгыттылар.

Табигать фәннәре атналыгында Химия укытучысы Лилия Шагимулловна ел саен традицион рәвештә 8 класс укучыларын бик матур чара аша тантаналы итеп "мәктәбебез химиклары" рәтенә кабул итә.Укытучыга бу эшендә бик теләп 11 класс укучылары ярдәм итте.

11 класс укучылары һәр чәршәмбедә "Химия һәм имтихан" түгәрәгенә бик актив йөриләр. Һәр сорауга җаваплы карап белергә омтылып укытучылары Лилия Шагимулловна белән ныклап БДИга әзерләнәләр.Уңышлар телибез.

Бүген 11 класс укучылары БДИга әзерлек эшеннән "Биология һәм имтахан" түгәрәге занятиясе күрсәттеләр.Укучылар метаболизмның иң авыр сорауларын аңлаттылар: Хасанова Гөлназ - Фотосинтезны; Рахматуллина Алсу - энергетик алмашуны; Халиуллина Энҗе - аксым биосинтезын тактада сызымнар белән,таблица буенча да,презентацияләр аша да катлаулы сораулар ныгытылды. Тыңлаучы аудитория -9,10 класс укучылары иде.Экзаменга әзерләнүчеләргә уңышлар гына тели биология укытучылары Рузилә Рафиковна.

Табигать фәннәре атналыгы кысаларында 11класс укучылары   түбәнрәк класс укучылары арасында дәресләр үткәрделәр. Фотода 11 класс укучысы Нургалиева Алия 8 класста химиядән дәрес үткәрә.