Бүген Арча районы мәгариф хезмәткәрләренең август киңәшмәсе булып узды. Анда Татарстан республикасы Мәгариф һәм фән министрлыгының өстәмә һөнәр белем бирүне үстерү бүлеге җитәкчесе Роза Шәяхмәтова, район башлыгы Алмаз Хисаметдинов катнашты. Алар башта район мәгариф оешмалары эшчәнлеген чагылдырган бай һәм эчтәлекле күргәзмә белән таныштылар. Күргәзмәдә безнең мәктәп укучылары да катнашты. Алар махсус хәрби операциядә катнашучы егетләребезгә, файдалы үләннәрдән чәй ясау ысулын күрсәттеләр.

1-4 нче сыйныф укучылары мәктәп яны тәҗрибә участогында  бу атнада яшелчә чүбе утап, сулар сибәләр. 

Җәй көне ял диеп кенә

Укуны онытмыйбыз.

Уйнап, өйдә дә булышкач,

Кич китаплар укыйбыз.

Эшкә өйрәнеп үсәбез

Кече мәктәп яшеннән.

Чүп утыйбыз, су сибәбез

Эшлибез чын күңелдән.

28 нче май көнне мәктәп-бакчабызда язгы ярминкә узды. Әти-әниләр, укытучылар, ктлгән кунаклр ярминкәдә тәкъдим ителгән товарларны яратып алдылар. Ярминкәдә катнашкан барлык әти-әниләргә, коллективка чиксез рәхмәтебезне белдерәбез. Бердәмлектә безнең көчебез!

Бүген мәктәбебездә "Соңгы кыңгырау" бәйрәме үтте.Бу көн укытучылар, укучылар һәм әти-әниләр өчен иң тантаналы һәм истәлекле көннәрнең берсе. Бүген 4 нче сыйныфны тәмамлаган 5 чыгарылыш сыйныф укучылары өчен соңгы кыңгырау яңгырады. "Соңгы кыңгырау" бәйрәме тантаналы линейка белән башлады. Кичәне мәктәп директоры Кутдусова Гульназ Муллануровна ачып җибәрде. Укучыларга, коллективка, кунакларга изге теләкләрен юллады. Бәйрәм кичәсендә чыгарылыш сыйныф укучыларының әти-әниләре, ветеран укытучылар, авыл җирлеге башлыгы Раушан Фарадисович катнашты. Соңгы кыңгырау ул, башлангыч мәктәпне тәмамлап, өлкән укучылар рәтенә басып, алдагы көннәрнең гаҗәп матур да, тынгысыз да, соклангыч һәм авыр булачагын искәртеп тора кебек. Бу көн кадерле укытучылары һәм мәктәп белән хушлашу авазы...Ак юллар сезгә, безнең кадерле укучыларыбыз!