7 май көнне Пешәнгер башлангыч мәктәбе-балалар бакчасы укучылары өлкән яшьтәге тыл ветераннарын якынлашып килүче Җиңү бәйрәме белән котладылар.Укучылар ветераннарга үзләренең изге теләкләрен җиткерделәр. Ветераннарыбыз үзләренең сугыш чоры истәлекләре белән уртаклаштылар, дөньяларыбыз тыныч, күкләребез аяз булуын  теләделәр.

Бөек Җиңүнең 77 еллыгына багышланган митинг

"Агач утырту" акциясе игълан ителде. Пешәнгер башлангыч мәктәбе-балалар бакчасы укучылары әлеге акция кысаларында 100 төп нарат агачлары утыртып чыктылар. Агач утырту изге һәм файдалы эш: тәрбияви яктан да, рухи һәм физик яктан да бу иң яхшы гамәл.

Учащиеся 1-4 классов приняли участие в конкурсе школьных театральных постановок "Юные Герои Великой Победы". Они представили инсценировку "Старое фото".

Бөек татар шагыйре Габдулла Тукай - милләтебезнең якты кояшы. Кыска гына гомере эчендә ул онытылмас эз калдыра алган. Туган илгә, туган телгә мәхәббәт хисе Тукай исеме белән бергә туа. Барлык татар дөньясы шагыйрьнең тууына 136 ел тулуны билгеләп үтә. Шул уңайдан безнең мәктәбебез-балалар бакчасында да әдәби-музыкаль кичә узды. Укучылар шагыйрьнең шигырьләрен сөйләделәр, аның сүзләренә язылган җырларны башкардылар. Бәйрәмебезне «Бәйрәм бүген» исемле җыр белән башлап җибәрдек, ә тәмамланганда татар халкының гимны булып торган «Туган тел» җыры белән тәмамладык.

21 апрель - Җирле үзидарә көне.Укучыларга җирле үзидарәдә (авыл советы) эшләүчеләр турында мәгълүмат бирдек.Укучыларыбыз үзләрен кызыксындырган сорауларга эчтәлекле, тулы җаваплар алдылар.
Әлеге һөнәр зур сабырлык, тырышлык таләп итә. Җирле үзидарә хезмәткәрләрен һөнәри бәйрәмнәре белән чын күңелдән без дә котлыйбыз. Авыр, шул ук вакытта җаваплы хезмәтләрендә зур уңышлар телибез!

Бүген "Су анасы - Сылубикә" районкүләм декоратив гамәли сәнгать әсәре конкурсында катнашучы укучылар бүләкләнде.
Тойлиев М. - 1 нче урын,
Рәхимов Д. - 2 урын,
Сәйфуллина З. - 3 урын.
Һәм шулай ук январь аенда узган "Живое слово" һәм "Мин кулыма китап алам" литературное чтение, әдәби уку олимпиадасында катнашкан укучылар бүләкләнде.
Саляхова Ә. - призер,
Газимов Б. - катнашучы,
Ахтямов Ф. - катнашучы.

1 нче һәм 3 нче класс укучылары 12 нче апрель - Космонавтика көне уңаеннан технология дәресендә аппликация ясадылар

12 апрель, Космонавтика көне, кешелек тарихының истәлекле датасы.  Бу көнне космоска кешенең беренче очуы ясалды.

1961 елның 12 апреле. Бу дата кешелек тарихына мәңгелеккә кереп калды. Язгы иртәдә көчле ракета җир йөзенең беренче космонавты – Советлар Союзы гражданины Юрий Гагарин белән тарихта беренче “Восток” космик кораблен бортта орбитага чыгарды.

Беренче космик очыш 108 минут дәвам итте. Безнең көннәрдә орбиталь космик станцияләрдә күп экспедицияләр кылган вакытта, ул кыска булып тоела. Әмма бу минутларның һәрберсе билгесез нәрсәләрнең ачышы булып тора.

Безнең мәктәптә дә космонавтик көне буенча әңгәмә үткәрелде, шулай ук әлеге темага кагылышлы презентация каралды.