9 июнь көнне Арчабызда Сабантуй бәйрәме гөрләп узды. Безнең балалар бакчасы да читтә калмады, бәйрәмгә килгән зур кунакларны татар халкының милли ризыгы чәк-чәк белән каршылады, балалар мәйданчыгында уеннар оештырды. 

"Мин җәйне яратам", - кем генә бу фикер белән килешми икән? Кояш витамины алырга, рәхәтләнеп уйнарга, шөгыльләрдән ял итәргә менә дигән вакыт бит ул. 

  Хезмәтне яраткан бала бервакытта да начар гадәтләргә тартылмый. Бу элек- электән килгән, халык педагогикасының сыналган алымы. Без дә үзебездә тәрбияләнүчеләргә хезмәтне яратырга, көчләре җитәрдәй эшләргә өлкәннәргә ярдәм итәргә өйрәтеп үстерәбез. Бүген өлкәннәр төркемендә тәрбияләнүчеләр тирә- юньне чиста тотарга кирәклекне һәм чүп үләннәрдән чистартырга өйрәнделәр.

   Бүген  1 нче номерлы мәктәпкә әзерлек төркеме  балалары үзләренең яраткан балалар бакчасы белән хушлашу бәйрәме уздырдылар. Саубуллашу кичәсе моңсу да шул ук вакытта кызыклы, шатлыклы мизгелләргә бик бай булды. Балалар гына түгел, әниләр дә бәйрәмгә ныклап әзерләнгәннәр. Алар да балаларга сюрпризлар , кызыклы номерлар әзерләгәннәр иде. Бер- береңә изге теләкләр юллау, матур сүзләр әйтү бәйрәмгә тагын да җылылык өстәде.Бәхетле балаларны , аларның  әти- әниләре арасындагы җылы мөнәсәбәтен күреп күңел шатлана.

    Каюм Насыйриның күренекле мәгърифәтче булуын күбебез белсә дә,аның хезмәтләре белән тирәннәннән таныш түгелбез. Аның иҗаты белән танышу максатыннан, без педагоглар өчен " К.Насыйриның балалар тәрбияләүдәге хезмәтләре"дигән темага түгәк өстәл артында сөйләшү оештырдык. Сөйләшүдә күренекле шәхеснең тормыш юлы белән тирәннән танышу белән беррәттән, аның киң кырлы иҗаты турында да таныштык, фикер алыштык.

    Бүген көн искиткеч матур! Күңел табигать кочагына ашкына. Без дә бүгенге кояшлы көнне бушка уздырмадык, табигать кочагына - Казансу паркына экскурсия оештырдык. Паркта бик чиста, уеннар оештыру , ял итү өчен дә барлык шартлар тудырылган. Без бүген халкыбызның милли уеннарына тукталырга булдык. Бакчабыз балалары белән бергәләп " Түбәтәй" ," Капкалы"," Ак кирәк,күк кирәк" уеннарын рәхәтләнеп уйнап күңел ачтык. Табигать матурлыгына сокланып җәяү барып , күңел ачып кайту безнең барыбызга да бик ошады.

   Сегодня в нашем детском саду  прошёл выпускной бал – событие которое с нетерпением ждали дети, родители и сотрудники дошкольного учреждения.Задолго до назначенной даты была проведена большая подготовительная работа - дети разучивали стихи, песни, танцы. И праздник состоялся! Яркий, весёлый, увлекательный и немного трогательный! Приятно было видеть счастливые лица детей, их радость во время выступлений. Дети читали стихи, пели проникновенные песни о любви к детскому саду.

 Букеты, музыка, стихи,

И светлый от улыбок зал!

Всё это вам выпускники,

Сегодня ваш последний бал.

      Бүген бакчабызда Каюм Насыйриның иҗатын ,аның телебезне үстерүдә , халкыбызны мзгърифәтле итү өстендә эшләгән хезмәтләрен балаларга аңлату максатыннан бик мәгънәле кичә узды. Кичә Арчаның үзәк китапханәсе белән берлектә оештырылды. Әдәби кичәгә бакчабызның өлкәннәр төркемендә тәрбияләнүчеләр һәм аларның тәрбиячеләре Ситдикова М.Ә.,Вәлиева З.Җ. бик ныклап әзерләнгәннәр иде.  Бакчабыз балалары һәм тәрбиячеләр  Каюм Насыйриның оста фольклорчы, мәгърифәтче булуын аңладылар.Аның әсәрләрендә тирән мәгънә ятуына, тәрбия өлкәсендә бик яхшы кулланма булуына төшенделәр.

   Матурлыкны күрә һәм тудыра белергә өйрәтү балалар бакчасының төп бурычларының берсе. Саф һавадада уеннар вакытында балалар үзләре дә гади генә әйберләрдән бик матур сәнгать әсәрләре ясап куярга сәләтле.

 Елның кайсы гына фасылында булмасын, балаларга хезмәт тәрбиясе бирү бик мөһим. Яз ел фасылында балалар чүп үләннәрне аерырга , аларны юк итәргә өйрәнәләр.