2017 ел – Россия Федерациясендә һәм Татарстан Республикасында экология елы дип игълан ителде. Шул уңайдан укучылар арасында күп төрле бәйгеләр үткәрелә. Безнең мәктәп укучылары да бу бәйгеләрдә актив катнаша, үзләрен төрле яклап сыныйлар. Укучыларыбызга уңышлар телибез. 

Безнең укучыбыз Николаева Р. (җитәкчесе Абдуллина Э.В.) РСФСРның атказанган укытучысы, Бөек Ватан сугышы ветераны  Рәгыйб Усман улы Халитов исемендәге  I районкүләм һәм V мәктәпкүләм  “Арча ягы- туган ягым” фәнни-гамәли укучылар конференциясендә уңышлы чыгыш ясады.

4 апреля 2017 года в ГАПОУ "Арский педагогический колледж им. Г.Тукая" прошла Х муниципальная научно-практическая конференция студентов и школьников общеобразовательных и профессиональных органицазий "Наука и Мы", посвященная Году Экологии в РФ. Ученица 8 класса Загидуллина И. выступила по направлению наука и физическое воспитание и была награждена дипломом 2 степени. Поздравляем!

Бүген Сәрдәбаш мәктәбендә дуслык тәнәфесе узды, балалар биеделәр, яз темасына рәсемнәр ясадылар, төрле мавыктыргыч уеннар уйнадылар. 

  Бүген Арча педагогия көллиятендә "Илһам" бөтенроссия  яшь язучылар бәйгесенең икенче туры узды. Безнең мәктәптән  "Яшь шагыйрь" номинациясендә 6 нчы класс укучысы Төхфәтуллина Э. чыгыш ясады. Аңа уңышлар теләп калабыз!

Яз җитүгә бар табигать уяна, җанлана башлый. Шул исәптән безнең канатлы дусларыбыз да җылы яклардан, үз туган илләренә очып кайта башлыйлар. Билгеле инде, аларның кайтуы безнең өчен  зур куаныч. Кошлар җир йөзендә иң киң таралган тереклек ияләре.  Кошлар -  табигатьнең күрке, яме, урман табиблары.  Хәзер аларның  9 меңгә якын төре бар. Татарстанда исә җәй көннәрендә – 200 дән, ә кышын  40 төрдән артык кош очратырга мөмкин. Сәрдәбаш башлангыч мәктәбе укучылары  бүгенге класс сәгатендә кошлар турында сөйләштеләр. “Сыерчык” һәм “Карлыгач” командаларына бүленеп  көч сынаштылар.

1 бирем   Тапкырлар көч сынаштылар. Табышмаклар әйтешү булды.

2 бирем   “Кайсы кош икәнен билгелә” уены.  

3 бирем   Төрлечә киселгән фигуралардан кош рәсемен төзеделәр.

4 бирем   “Кем күбрәк” уены. “К” хәрефеннән башланган кош исемнәрен яздылар. Соңыннан “Очты – очты” уенын уйнадык.

Һәр елны 1 нче класс укучылары  әтиләре ярдәме белән  мәктәп янында үсүче агачларга  сыерчык оялары ясап эләләр. Петрова К. һәм Петров А.  ясаган  оялары үз хуҗаларын көтә. Без кошларны бик яратабыз. Алар табигатькә, кешегә бик файда китерәләр. Шуңа күрә без кошларны сакларга, аларга ярдәм итәргә тиеш.

Каникулның бер көнен  Сәрдәбаш башлангыч мәктәбе укучылары “Күңелле стартлар” уенына багышлады.Уеннар арасында ярышлы уеннар, уен – эстафеталар аерым урын алып тора. Әлеге уеннарның нәтиҗәсе күз алдында (кемдер җиңә, кемдер җиңелә), шуңа да балалар мондый уеннарны бик яратып уйныйлар. Уенда катнашучы һәркем җиңүгә кертәчәк өлешен яхшы күзаллый һәм иптәшләре алдында үзен җаваплы тоя. Ул уенда куелган шартны үтәп чыгарга, максатны күз алдында тотып хәрәкәт итәргә һәм аңа ирешергә, иптәшләре белән бергә җиңү яуларга омтыла. Шулай итеп, бала үзенең ихтыярын чыныктыра, түземле сабыр булырга өйрәнә. Уеннарның максаты – балаларда җитезлек, тизлек, өлгерлек, күзәтүчәнлек сыйфатлары тәрбияләү, дустанә мөнәсәбәт булдыру. Бу юлы балалар  “Кем әйберне тизрәк күчерә?”, “Иң тиз атучы”, “ Кыршау тәгәрәтү”, “Матур шарлар”, “Игезәкләр”, “Тырыш кырмыскалар” уеннарында көч сынаштылар. Нәтиҗәдә – Дуслык  җиңде.

24 марта 2017 года в спорткомплексе ДСЮШ Арча прошло открытое лично- командное Первенство Арского муниципального района по настольному теннису среди юношей и девушек 2002-2004, 2005 г.р. и моложе. В соревнования приняли участие более 10 школ. Команда нашей школы заняла 3 место среди команд 2002-2004 г.р. и 3 место среди команд 2005 г.р. и моложе. Сагитова Н. заняла 2 место среди девушек 2005 г.р. и моложе. Поздравляем! Желаем успехов в следующих соревнованиях!