Безнең мәктәп укучылары  Арча спорт мәктәбенең татарча көрәш секциясенә бик теләп йөриләр. 9 нчы февральдә үткәрелгән чираттагы ярышларда 9 нчы класс укучысы Маннанов Фәнгиз һәм 8 нче класс укучысы Минҗанов Салават 1 нче урынга лаек булдылар.

Югары Мәтәскә башлангыч мәктәбенең 4 нче класс укучысы Маннанов Әлфис татарча көрәшне бик ярата. Узган якшәмбедә районда үткәрелгән милли көрәш бәйгесендә ул икенче урынны яулады. 

Безнең мәктәп укучылары олимпиадаларда бик теләп катнашалар. КНИТУ үткәргән Идел буе регионара олимпиадасында  физика фәне буенча җиңү яулаган 7 нче класс укучылары Шәяхмәтова Сафия, Лотфуллина Сиринәне, 11 нче класс укучысы Фазылҗанова Гөлинәне чын күңелдән котлыйбыз. Алдагы көннәрендә зур уңышлар телибез.

Укучыларның физика фәне буенча интернет-олимпиадага нәтиҗәләр ясалды. Санкт-Петербург дәүләт университеты үткәргән дистанцион олимпиадада 8 укучы җиңү яулады, 11 укучы призер булдылар. Җиңүчеләргә икенче турда уңышлар теләп калабыз.

"Эрудит России" Бөтенроссия конкурсында  мәктәптән 33 укучы катнашты. 5 нче класс укучысы Арсаева Чулпан рус әдәбияты һәм инглиз теле буенча лауреат булды.

  6 нчы февраль көнне башлангыч класс укучыларының технология фәненнән белем һәм күнекмәләрен ачыклау максатыннан “Оста куллар”конкурсының мәктәп туры Түбән Мәтәскә урта мәктәбендә үткәрелде. 1 нче класс укучылары пластилиннан , ә 2-3 нче класслар кәгазьдән аппликация  ясадылар.  

 1 нче класстан Мөндеш башлангыч мәктәбеннән Хөсәенова Фирүзә, 2-3 нче класслар арасында Харисов Айбулатның эшләре уңай бәяләнде.

Учащиеся нашей школы были приглашены в Зимнюю школу 2014 по популяризации физики в Казанский Федеральный (Приволжский) Университет (КФУ) по результатам Интернет-тура Межрегиональных предметных олимпиад.

В течение трех дней участники школы прослушали лекции ученых университета, занимались в лабораториях Института физики, разобрали с вузовскими преподавателями олимпиадные задачи, задания ЕГЭ, а также посетили Планетарий КФУ. 

10 февраля - День памяти А.С.Пушкина. Учителя русского  языка и литературы с учащимися провели литературный вечер, посвященный великому поэту.

25 нче гыйнварда Зәй шәһәрендә укучыларга өстәмә белем бирү өчен технология кабинетларын файдалану буенча " Мин - оста!" дип аталган республика конкурсы үткәрелде. "Проектны тәкъдир итү" дигән төп номинациядә 11 нче класс укучысы Закиров Раниф җиңү яулады. Җитәкчесе - ТИН укытучысы Фазылҗанов Г.Г.

Арча Укучылар сараенда кышкы туристик слет үткәрелде.Укучылар азимут, топографик билгеләр белән эшләделәр, баулар белән төрле төеннәр бәйләделәр, дөрес итеп рюкзак тутыру буенча да ярыштылар, сазлыклардан үтүне күрсәттеләр, туристик җырлар башкардылар һәм стена газеталары чыгардылар. Беренче урынны Түбән Мәтәскә мәктәбе командасы (Хәбибуллин Илмир, Гыйбадуллин Фәнил, Рәхимҗанова Айзирә, Гайнетдинова Илзия) алды. Җитәкчесе - физкультура укытучысы Җәләлиев И.И.