Бүген укучыларыбыз мәктәп тәҗрибә участогында эшли. Бакчада яшелчә утырту буенча башлангыч эш оештырылды. Бакча җитәкчесе Мәннанова Л.Р. укучылар белән кызу эш алып барды. Барыбыз да бу уку елында да уңыш яхшы булыр дип өметләнә. 

Җиңү зур кор­баннар аша килде 71 ел инде илебез халкы тыныч тормышта яши. Халкыбыз тудырган зур батырлыклар һәм кичергән зур газаплар  йөз  ел буена да онытылырлык түгел. Каһарманнар даны мәңгелек.

9 нчы класс җитәкчесе Шакирова Г.К. "Имтиханнарга хәзерләнгәндә психологик киңәшләр. Стресска ничек бирелмәскә?" темасына ачык класс сәгате уздырды. 

10 нчы класс укучылары "Үлемсез полк" акциясендә катнашу өчен портретлар ясадылар. Митингта акция буенча эшне оештыру планлаштырыла. 

"Балалар куркынычсызлыгы" айлыгы кысаларында 5 нче классның җитәкчесе Йосыпова Р.К. "Куркыныч туганда беренче ярдәм" темасына укучылар белән дәрес күрсәтте. Укучылар теманы практик рәвештә үзләштерделәр. Китапханәче Сәгъдиева Х.К. "Табигать һәм без" темасына күргәзмә төзеп, башлангыч класс укучыларына табигатьтә үзеңне тоту кагыйдәләре буенча методик киңәшләрен бирде.

Мәктәптә "Җиңү язы" атналыгы бара. 6 нчы класс укучылары венокка кую өчен чәчәкләр ясый. Шушы ук укучыларга митингта чыгыш ясау йөкләнде. 8 нче класс укучылары "Үлемсез полк" акциясендә катнашу өчен фотоларга күзәтү ясыйлар.

Район күләмендә уздырылган “Без – Тукай варислары” исемле шигырь бәйгесе 5 нче гимназиядә узды. Бәйге 3 төркемдә алып барылды. Әлеге бәйгедә безнең мәктәптән ике укучы уңышлы чыгыш ясады. 10 нчы класс укучысы  Нигъмәтҗанова Раидә  3  урынга (укытучысы Х.К. Сәгъдиева) лаек булды. 4 нче класс укучысы Гыйлаҗиева Гүзәл грамота белән бүләкләнде.  

Бүген мәктәбебезнең "Шаян утлар" командасы районда оештырылган ""Яшь юл инспекторлары" конкурсында уңышлы катнашып кайтты.

Команда составында Хәйретдинов Адель, Нәбиуллина Әдилә, Гайнетдинов Илсаф, Бәйрәмова Зәринә көч сынашты. "Юл йөрү кагыйдәләрен оста белүчеләр" номинациясендә Нәбиуллина Әдилә - II урынга, Хәйретдинов  Адель III урынга ия булды. Медицина буенча Бәйрәмова Зәринә II урынны алды.  Команданың  юл йөрү кагыйдәләрен өйрәнү буенча куелган  агитбригадасы III урынга лаек дип табылды. Молодцы!!!   

Бүген 6 нчы класс укучысы Нәбиуллина Камилә Казан шәһәренең 20 нче гимназиясендә үткәрелгән "Абдулла Алиш эзләреннән"  исемле II төбәкара фәнни-гамәли конференциясенең "Әкиятләрдән олы тормышка" секциясендә катнашып, лауреат Дипломына ия булды(укытучысы-Муллагалиева Г.Н.). Конкурс Татарстан Республикасы мәгарифне үстерү институты, Казан шәһәре муниципаль берәмлегенең башкарма комитеты мәгариф идарәсе җитәкчелегендә үтте. Камиләнең  "Куак" әкияте конференция уңаеннан чыгарылган җыентыкта урын алган, кызыксынучылар аны шуннан эзләп таба ала. 

КНИТУ үткәргән "Вперед  в прошлое- 2016" конкурсында  Казиле башлангыч мәктәбенең 4нче сыйныф укучы Габдрахманов Нияз “Әби белән бабайда кунакта” номинациясендә  лауреат, ә Мөндеш башлангыч мәктәбенең 3 класс укучысы Хөсәинова Фирүзә “Минем ачышларым” номинациясендә катнашучы сертификатына ия  булдылар һәм Казанда бүләкләнү тантанасында катнаштылар.