27 ноябрь көнне Рәхимова Рәмзия Исмәгыйль кызы “ Ноябрь - начар гадәтләр белә көрәш” айлыгына нәтиҗә ясап, 11 класс укучылары белән “Эчүчелек, тәмәке тарту,наркоманиядән ерак йөрик“ исемле тәрбия сәгате уткәрде. Укучылар сәламәтлеккә тискәре йогынты ясаучы яман гадәтләрне һәм аларның организмга нинди зыян китерүе турында сөйләштеләр. Алар кешенең үзенә генә түгел,гаиләсенә һәм башка кешеләргә, җәмгыятькә дә зур зыян китерүен ачыкладылар. «Без алардан ераграк йөрик, үзебезгә алмыйк. Сәламәт булыйк!» дигән,  нәтиҗә ясадылар.

Бүген 5 класста "Иң җылы яктылык" темасына тәрбия сәгате үтте. Тәрбия сәгатенең төп максаты: Укучыларга җир йөзендә иң җылы яктылык, иң якты нурның газиз кешеләребез - әниләрдән икәнен аңлату, Әниләргә хөрмәт, ихтирам, мәхәббәт тәрбияләү. 

Иң якты нур безнең газиз әниләребездән килә.Ул җылы яктылык гомеребез буена безнең юлыбызны яктырта, күңелебезне җылыта. Шул нур, шул яктылык булганда гына без бәхетле, безгә рәхәт.

Бөек шагыйребез, якташыбыз Габдулла Тукайның 130 еллык юбилее уңаеннан район күләмендә мәктәп укучылары арасында Арча муниципаль районы мәгариф идарәсе тарафыннан “Тукай эзләреннән” исемле фоторәсем-сәяхәт, рәсемнәр конкурсы оештырылды. Конкурс 2 номинациядә үтте. Конкурста 1-4 класс укучылары рәсемнәр, 5-11 класс укучылары фоторәсемнәр белән катнаштылар. Яңа Кырлай урта мәктәбенә конкурста катнашу өчен барлыгы 174 эш килде. Башка районнардан да эшләр бар иде. 23 нче ноябрь көнне мәгариф идарәсе вәкилләре, сәнгать мәктәбе укытучылары һәм “Арча хәбәрләре” газетасы журналистлары катнашындагы комиссия укучыларның эшләрен бәяләде. Рәсемнәргә урын биргәндә, яшь иҗатчының эшләрендә чагылган төсләр үтемлелелеге һәм гармониясе, рәсем ясауның оригиналь техникаларына игътибар ителде. Комиссия тарафыннан фоторәсемнәрнең конкурс тематикасына туры килүе, кызыклы һәм җәлеп итә торган, ачык төшерелгән булуы исәпкә алынды . Конкурска, чынлап та, бик кызыклы, эчтәлекле, иҗади эшләр килгән иде. Комиссия 6 укучының эшен, төрле юнәлешләр буенча, гран-прига, 44 укучының эшен призлы урыннарга лаек дип тапты. Дипломнар һәм таныклыклар мәгариф идарәсе тарафыннан декабрь аенда мәктәпләргә таратылачак. Конкурста катнашучыларга тагын да яңа үрләр яулауларын, иҗади уңышлар теләп калабыз.

     В 7 классе прошёл урок толерантности. Учащиеся составили кластер понятию "толерантность" .
Толерантность- это свойство характера человека, позволяющее ему быть выдержанным , уметь мириться с существованием чего-либо, кого-либо, быть снисходительным к чему-либо, кому-либо.

24 нче ноябрь көнне татар теле һәм әдәбияты укытучысы Зарипова Миләүшә Рафис кызы 5 нче класста татар теленнән "Әйтү максаты ягыннан җөмлә төрләре" дигән темага ачык дәрес бирде. Дәрес укытучылар тарафыннан яхшы бәяләнде.

6 класста "Нәрсә ул толерантлык?" темасына класс сәгате үткәрелде. Тема тормыштан алынган мисаллар белән бәйләп аңлатылды. Укучылар толерант шәхеснең нинди булуын ачыкладылар һәм үзләренең уңай һәм кимчелекле якларын кәгазьдә сурәтләделәр. Класс җитәкчеләре Клара Даниловна укучыларга тискәре сыйфатларны бетерү өстендә эшләргә кирәклеген төшендерде.

18 ноября классная руководительница 10 класса Кабирова Аниса Рашидовна  провела урок толерантности.

Толерантность. Что это такое? -

Если спросит кто-нибудь меня,

Я отвечу: "Это все земное.

То, на чем стоит Планета вся".

Учащиеся пришли к выводу, что прежде чем осуждать человека, надо поставить себя на его место.