Мәктәбебездә бар көченә Яңа елга әзерлек дәвам итә.

    Мәктәбебез тирәсендә берсеннән-берсе матур кар сыннары ясадык. 

   Мәктәбебез укучылары ел саен Мәшгульлек үзәге тарафыннан үткәрелгән “Киләчәккә билет” сочиненияләр конкурсында актив катнашалар. Бу уку елында да Шаймуллин Рәис һәм Закиров Раил, бу конкурста катнашып, призлы урыннарга ия булдылар.

   12 нче декабрь көнне, район күләмендә үткәрелгән гер күтәрү ярышында, безнең мәктәп укучылары беренче урынны яуладылар!

Инвалидлар Декадасы кысаларында 10 сыйныф укучысы Корбангалиева Илгизә сыйныфташларына зур хөрмәткә лаек  язучы Фәнис Яруллинның тормышы турында сөйләде. Язучының тормыш юлы барыбызны да авырлыклар алдында баш имәскә өйрәтә.

   8 декабрь  көнне, 8-9 класс укучылары катнашында, Яңа Кырлай авыл китапханәчесе Ахметзянова Наилә Наилевна,  Бөтендөнья коррупциягә каршы көрәш көне уңаеннан "Без коррупциягә каршы" дигән темага тәрбия сәгате үткәрде.

    Бүген мәктәп күләмендә үткәрелгән линейкада математика, физика һәм информатика атналыгына йомгак ясалды. Бәйгеләрдә җиңгән классларга, укучыларга мактау грамоталары бирелде. Атналык нәтиҗәләре түбәндәгечә: “Геометрик замоклар” конкурсында җиңүче – 10 класс, актив катнашучы класс - 5 нче, “Математик газета”  конкурсында җиңүче – 8 класс, актив катнашучы 6 класс укучылары. “Кызыклы ребуслар” конкурсында җиңүче 7 класс укучысы Шаяхметова Гөлчәчәк, “Иң зирәк укучы” конкурсында җиңүче 8 класс укучысы Хасанова Альбина, 8 класс укучысы Гильмуллина Разина, 7 класс укучылары Шакиров Ришат һәм Закиров Ранис.  “Иң чиста дәфтәр”  конкурсында җиңүче 5 класс укучысы Корбангалиев Ильяс, 6 класс укучысы Хөснетдинова Илюзә, 7 класс укучысы Шигапов Солтан, 8 класс укучысы Хасанова Альбина, 9 класс укучысы Гайфуллина Райлә, 10 класс укучысы Корбангалиева Ильгизә һәм 11 класс укучысы Корбангалиева Илюсә.

“9 декабрь- Бөтендөнья коррупциягә каршы көрәш” көне уңаеннан 7 декабрь көнне  мәктәбебезнең барлык классларында да коррупциягә карата класс сәгатьләре узды.

  Бүген мәктәптә 11 класс укучылары өчен математика фәне буенча сынау имтиханы булды.

     Бүген мәктәбебездә атналык кысаларында "Математик газета" һәм "Геометрик замоклар" конкурслары узды. Укучылар бик теләп үзләре башкарган эшләре белән таныштырдылар. "Математик газета" конкурсында җиңүче дип 8 класс укучылары, "Геометрик замоклар" конкурсында җиңүче дип 10 класс укучылары табылды.