8-9 нчы ноябрь көннәрендә Яңа Кенәр лицеенда Сингапур укулары булды. Шулай ук бу укуга Яңа Кырлай укытучылары да килде.  Бу укуны оештырган Лилия Махмутовнага һәм аңа ярдәм иткән Илүзә белән Алмазга бик зур рәхмәт. Уку бик эчтәлекле, кызыклы, кирәкле булды.

31 нче октябрь көнне, 10 нчы класс укучылары, класс җитәкчесе ,татар теле һәм әдәбияты укытучылары белән Казанга Г.Камал театрына “Курчак туе” спектакле карарга бардылар. Укучылар бу сәяхәттән бик канәгать  калдылар. Автобуста бергә сөйрәшә-сөйләшә бару, Макдональдста ашау, театр бинасының матурлыгы аларны сокландырган.Ә спектакль турында әйтеп торырга да кирәкми. Укучылар бик яратып, күңелләре булып кайттылар. Оештырган, алып барган укытучыларга рәхмәт!

31 нче октябрь көнне районыбызга Балтач районы тәрбия эшләре буенча директор урынбасарлары кунакка килде. Алар райондагы берничә мәктәпкә, шулай ук безнең лицейга да килделәр. Мәктәпләр белән таныштылар. Эш тәртибе, докуметацияләр, төрле юнәлештәге мероприятия карадылар. Фикер алыштылар. Соңыннан рәхмәтләрен әйтеп, бик ошатып киткәнлекләрен җиткерделәр.

25 нче октябрь көнне лицеебызда 5 – 8 класслар өчен “Көз кызы-2013” бәйрәме уздырылды. Конкурста катнашучы кызларга  алдан билгеләнеп, өй эше итеп биремнәр бирелгән иде. Кызлар бәйгедә бик теләп, актив катнаштылар. Төрле уеннар уйнадылар. Бәйрәм концерт номерлары белән бергә алып барылды. Соңыннан кызларга бүләкләр тапшырылды һәм “Көз кызы-2013” билгеләнде.  Ул 5 нче класс укучысы Муртазина Дилә.

24 нче октябрь көнне лицеебызда “Сөмбелә” бәйрәме үткәрелде. Бу бәйрәмдә 1-4 класс укучылары катнашты.  Бәйрәм КВН формасында үтте. Һәр класстан командалар сайлап куелган иде. Алар төрле ярышларда, конкурсларда катнаштылар. Бәйрәм җыр, бию белән үрелеп барылды. Кичәбезгә, зәңгәр күзле, җитен чәчле кыз “Сөмбелә” кунакка килде.Бәйрәм бик күңелле булды.

21  нче  октябрь көнне лицеебызда эвакуация үткәрелде.  Укучылар звонок бирелгәч маскаларын киеп урамга тиешле урынга чыгып тезелделәр.ОБЖ укытучысы барлык классларның да чыгып беткәнме икәнлеген, маскалары бармы икәнлеген тикшереп чыкты. Куркыныч булган очракта нәрсә эшләргә кирәклеге аңлатылды.

11 октябрь көнне 5 һәм 6 класслар белән "Кеше галәмдә" исеме астында  тәрбия сәгате уздырылды. Класс җитәкчеләре Садриева Алия һәм Нигъматуллина Ләйсәннәр бик эчтәлекле һәм кызыклы очрашу оештырдылар. Очрашуга "Космос" дигән китап авторы Гайнетдинов Хәлил Шайхунурович килгән иде. Ул укучыларга космос турында кызыклы факттлар сөйләде.

5 көнне Яңа Кенәрдә ярминкә уздырылды. Яңа Кенәр лицее бик теләп катнашты. Ярминкәдә лицеебызның укучылар кулы белән эшләнгән,бәйләнгән  әйберләре сатылды.Ярминкә җыр бию белән үрелеп барды! 

5 октябрь көнне  Укытучылар көненә багышланган бәйрәм кичәсе уздырылды. Башта укучылар укытучыларны чәчәк бәйләмнәре белән музыка астында каршы алдылар. Соңыннан бик матур концерт күрсәттеләр. Укучылар  һәр укытучыга котлау сүзләре язып классларны шарлар белән бизәделәр. Бәйрәм күңелле узды.

1 октябрь көнне лицеебызда  Өлкәннәр көне булып узды! Бу көнне лицеебызда  эшләп лаеклы ялга чыккак кәдерле Укытучыларыбыз килде! Алларга укучы балалар ярдәмендә әзерләнгән концерт күрсәтелде!Өлкәннәребез табын артында узара аралашып үткән гөмерләрен уй  кичерешләрен уртаклашып утырдылар! Бәйрәм Өлкәннәребезгә бик ошады дип уйлыйбыз!