11 класс укучылары өчен каникул вакыты чын-чынлап имтиханнарга әзерлек чоры.Бүген алар өчен математикадан консультация булды.Математика укытучысы Тухватуллина Л.Р. белән  6 январь көнне Арча шәһәрендә узачак пробный ЕГЭга әзерләнделәр.

Бүген 2 нче гыйнвар көнне Яңа Кенәр урта мәктәбенең спортзалында, сәг. 10.00 - 12.00 гә кадәр 10 - 11 сыйныфлар арасында волейбол буенча иптәшләр очрашуы булды. Уен 11 нче сыйныфлар файдасына тәмамланды. Ярышның оештыручысы һәм судья - Физкультура укытучысы Габдрахманов В.В.

Яңа Ашыт башлангыч мәктәбенең 4 нче "Е" һәм 3 нче "А" классы укучылары кышкы каникулны күңелле үткәрәләр.

 Бүген бигрәк күңелле,
Тышка чыгып уйнарга.
Икәү бергә чыктык әле
Чаңгы шуып уйнарга.

 

2015 нче елның  1нче гыйнвары. 2нче сыйныф укучылары бергәләшеп хәрәкәтле уеннар уйнадылар.Үзләренең осталыкларын, җитезлекләрен күрсәттеләр. Бик күңелле булды.

31 декабрь  1нче класс укучылары белән спортзалда "Күңелле стартлар" уены үткәрелде. Класста шашка ярышы үткәрелде.Шашка буенча 1урынны Гарифзянов Рафил,икенче урынны Мухаметшина Лилия алды. Соңыннан хәрәкәткә,игътибарга уеннар уйнадык.

Укуда алдынгы,җәмәгать эшләрендә актив катнашучы бер төркем укучылар районның мәдәният йортына чыршы бәйрәменә бардылар.

Уку алдынгысы,спорт ярышларында катнашып,җиңү яулаган,класстан тыш эшләрдә актив катнашучы  10 класс укучысы Ахметзянов Фидаил район башлыгы Илшат Нуриев белән әңгәмәдә катнашты.

Бүген 5-8 класс укучыларының волейбол яратучылары спортзалда волейбол ярышы үткәрделәр.

Декабрь бураннары алып килгән Яңа ел белән котлыйбыз!

   Бәйрәмегез мөбарәк, ризык тулы өстәлегез түгәрәк, күңелле, куанычлы булсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. Гаилә бәхетегез учагы гел балкып торсын.

Яңа еллар килсен бәхет алып,

Яңа еллар килсен елмаеп.

Күңелләрдә мәңге шатлык булсын,

Яшәмәгез, дуслар моңаеп.