21 ноябрь көнне Арчада физикадан олимпиаданың район туры үтте.Анда 8-11 класс укучылары арасыннан иң көчлеләре катнашты.Яңа Кенәр мәктәбенең 9 класс укучысы Хакимов Илнур олимпиадада иң күп балл җыеп призер булды.Илнурны һәм физика укытучысы Самигуллин Т.Ф. чын күңелдән котлыйбыз.Аларга уңышлар телибез.

23 декабрьдән 28декабрьгә кадәр  мәктәптә математика -информатика атналыгы бара.

Бүген атналыкның беренче көне-"Кызыклы математика".Математика укуытучысы Тухватуллина Л.Р. 5б класс укучылары белән "Кызыклы математика" дап аталган класстан тыш чара үткәрде.Укучылар төрле кызыклы мәсьәләләр ,ребуслар чиштеләр,математик сорауларга җавап бирделәр.

21 ноябрь көнне район күләмендә үткәрелгән баскетбол ярышында безнең мәктәп командасы 5 урын яулады. Команданы һәм җитәкчеләре Хайруллин З.Т.ны җиңүләре белән котлыйбыз.

2нче классларның  класс җитәкчесе Хафизова Гөлнара Нургалиевна  әти-әниләргә математикадан ачык дәрес күрсәтте.

Әти-әниләр  үзләренең балаларының ничек укыганнарын,дәрестә ничек җавап биргәннәрен үз күзләре белән күрделәр.

19 ноябрь көнне Яңа Кенәр урта мәктәбендә профориентация сәгате үтте.Анда укучыларны авыл хуҗалыгы тармагындагы һәнәрләр белән таныштырдылар .Класс сәгатенә механизатор,шоферларны да чакырганнар иде.8Б класс укучылары "Аю" агрофирмасында тракторист булып эшләүче Бадретдинов Рамилне очрашуга чакырдылар.Ул механизатор хезмәте турында сөйләде,укучыларның сорауларына җавап бирде.

Яңа Кенәр янгын сүндерү бүлеге җитәкчесе Ахметов Х.Х. бүген мәктәпкә чираттагы очрашуга килде. Ул 5 класс укучыларына боз өстендә үз-үзеңне тоту кагыйдәләре белән таныштырды.Боз өстенә кергәнче бозның калынлыгын тикшереп карарга кирәклеген,белмәгән урыннарда боз өстенә кермәскә кирәклеген аңлатты.

Шулай ук Хәниф абый суга батканда үзеңне ничек тоту кагыйдәләрен,суга батучыга ничек ярдәм итәргә кирәклеген аңлатты.

Бүген Яңа Кенәр урта мәктәбендә кызлар һәм егетләр арасында баскетбол буенча  зона ярышлары узды.Анда <span times="" new="" roman',="" serif;="" line-height:="" 115%;"="">Шушмабаш урта мәктәбе, Апаз урта мәктәбе, Ашытбаш урта мәктәбе, Яңа Кенәр урта мәктәпләренең кызлар һәм егетләр командалары катнашты.Ярышта Яңа Кенәр урта мәктәбенең егетләр һәм кызлар командасы беренче урынны алды.Алар 21 ноябрь көнне финал ярышына барачаклар.Без аларга уңышлар телибез.

Бүген Яңа Кенәр мәдәният йортында КВН ярышының зона туры үтте.Анда Яңа Кенәр урта мәктәбе,Апаз урта мәктәбе,Шурабаш мәктәбе,Носы мәктәбе,Хәсәншаех мәктәбе

 командалары катнашты.Алар уңышлы чыгыш ясадылар.КВН ның нәтиҗәсе соңрак билгеле булачак.Бу командаларның барысына да уңышлар телибез.

ПАМЯТКА населению по ледоставу

Экология фәне буенча  олимпиаданың муниципаль турында Яңа Кенәр мәктәбенең

9 класс укучысы Шарипова Р.(укытучысы Садыкова Н.К.)- 1 урынны алды

11 класс укучысы Сагдуллин С.(укытучысы Садыкова Н.К.)- призер булды.

 Җиңүчеләрне һәм аларның укытучылары Садыкова Н.К. чын күңелдән котлыйбыз.Аларга киләчәктә уңышлар телибез.