22 февраль көнне 10, 11А, 11Б класс егетләре өчен Габдрахманов В.В. "Кем җитезрәк?"дип исемләнгән чара уздырды.Ваис Ваказович егетләрненң спортта  җитезлекләрен,кыюлыкларын тикшерде.Егетләр сынатмадылар һәр бирелгән биремнәрне үтәп чыктылар.

19 февраль көнне Ватанны саклаучылар көненә багышланган "Күңелле эстафета" узды. Эстафетада Укытучылар һәм укучылар командасы катнашты.Командаларның   җитезлекләрен төрле спорт уеннары аша тикшереп карадык. Укытучылар командасы җитезрәк булып чыктылар,алар бу ярышның җиңүчеләре булдылар.Егетләребезне бәйрәмнәре белән чын куңелдән котлыйбыз, укуларында эшләрендә уңышлар теләп калабыз.

Атналык кысаларында технология укытучысы Хабибуллина Г.Р. 6 Б классында технологиядән ачык дәрес күрсәтте.Укучылар тукыма кисәкләреннән аппликация ясадылар.

15 февральдән мәктәптә технология,музыка,физкультура фәннәре атналыгы башланды.Шул атналык кысаларында музыка һәм рәсем  укытучысы Самигуллина А.В. 2А класында  ачык дәрес уздырды.

15 февраль көнне Яңа Кенәр урта мәктәбенең китапханәчесе Р.Р.Садикова  Муса Җәлилнең тууына 110 ел тулуга багышланган кичә үткәрде.Укучылар шагыйрьнең биографиясе,тормыш юлы белән таныштылар.Муса Җәлил шигырләрен сәнгатьле уку буенча конкурста катнаштылар.Кичә бик күңелле һәм истә калырлык булды.

Кичә Яңа Кенәр урта мәктәбе профсоюз членнарының гомуми җыелышы булды.Анда профсоюз килешуенең үтәлеше каралды.Җыелышта мәктәп директоры З.И.Хайруллина,профсоюз председателе Р.Д.Сагедиев чыгыш ясадылар.Алар килешүдә каралган пунктларның үтәлеше турында сөйләделәр,профсоюз членнарының сорауларына җавап бирделәр.

15нче февраль көнне  Югары  Оры башлангыч мәктәбендә  герой- шагыйрь  Муса  Җәлилнең  туган көнен билгеләп үттек. Укучылар  Җәлилнең шигырьләрен яттан сөйләделәр,  ясаган рәсемнәрдән күргәзмә  оештырдык. Соңыннан шагыйрь  иҗаты буенча викторина булды.Кичәбез бик күңелле үтте.

Сөрде башлангыч мәктәбендә Муса Җәлилнең  туган көне билгеләп үтелде. Укучылар герой -шагыйрьнең шигырьләрен яттан сөйләделәр, ясаган рәсемнәре белән таныштырдылар. Авыл китапханәчесе Вәлиева Альбина 3класс укучылары белән  Муса Җәлилгә багышланган "Йолдызлы сәгать" уены оештырды. Аларның җанатарлары әниләр, әбиләр һәм 1класс укучылары булды. Ахырдан балаларга истәлекле бүләкләр тапшырылды. Кичә күңелле, истә калырлык булды.

15 нче февраль -Әфган сугушы тәмамлануга 27 ел тулу уңаеннан 5Б сыйныф Әфган сугышы ветераны белән очрашу уздырды.Сыйныфка кунак итеп чакырылган Нуриев Радик сугышта күргәннәре,кичергәннәре турында укучыларга сөйләде.Шулай ук укучылар биргән сорауларга да бик теләп җавап бирде.Очрашу җырлар,шигырьләр белән үрелеп барды,бик файдалы узды.Вакыт табып очрашуга килгән өчен укучылар Радик абыйга  үзләренең рәхмәтләрен җиткерделәр.

12-13 февраль көнне Казанда әдәбият фәне буенча олимпиаданың республика туры үтте.Анда Яңа Кенәр урта  мәктәбенең 10 класс укучысы Маннанова Ләлә һәм 11 класс укучысы Валиуллина Раилә катнаштылар.Валиуллина Раилә бу олимпиадада призер булды.Раиләне һәм укытучысы Габдрахманова Илсөя Мәхмудовнаны чын күңелдән котлыйбыз.Аларга киләчәктә уңышлар телибез.